ശ്രീജ.എസ്
മുംബൈ: ഇന്ത്യയിലുള്പ്പെടെ ലോകത്തിന്റെ പല ഭാഗങ്ങളിലും ജിമെയില് പണിമുടക്കി ടെക് വന്പന് ഗൂഗിളിന്റെ ഇ-മെയില് സേവനവിഭാഗമായ ജിമെയിലിന്റെ പ്രവര്ത്തനം ഭാഗികമായി മുടങ്ങിയത് നിരവധി ഉപയോക്താക്കളെ വലച്ചു.
ഇന്നലെ രാവിലെ മുതല് മെയില് അയയ്ക്കാനോ ഫയലുകള് അറ്റാച്ചുചെയ്യാനോ കഴിഞ്ഞില്ലെന്നു നിരവധി ഉപയോക്താക്കള് പരാതിപ്പെട്ടു. ചില ഉപയോക്താക്കള്ക്കു ലോഗ് ഇന് ചെയ്യാനും കഴിഞ്ഞില്ല. കോവിഡ് വ്യാപന പശ്ചാത്തലത്തില് പല രാജ്യങ്ങളിലും കമ്പനികള്ക്കും മറ്റും പ്രവര്ത്തന നിയന്ത്രണമുള്ളതിനാല് ജോലി സംബന്ധമായ ആവശ്യങ്ങള്ക്കു ജിമെയിലിനെ ആശ്രയിച്ചിരുന്ന പല സ്ഥാപനങ്ങളും ജീവനക്കാരും പ്രതിസന്ധിയിലായി.
ഗൂഗിള് ഡ്രൈവ്, ഗൂഗിള് ഡോക്സ്, ഗൂഗിള് മീറ്റ് തുടങ്ങിയവയും പണിമുടക്കി. അതേസമയം തകരാര് നേരിട്ടതായി സ്ഥിരീകരിച്ചുവെന്നും ഇതിന്റെ കാരണം അന്വേഷിക്കുകയാണെന്നും ഗൂഗിള് അറിയിച്ചു.