മഹാരാഷ്ട്ര പോലിസില്‍ 24 മണിക്കൂറിനുള്ളില്‍ കൊവിഡ് ബാധിച്ചത് 106 പേര്‍ക്ക്; 2 മരണം

സിന്ധുമോള്‍ ആര്‍

മുംബൈ: മഹാരാഷ്ട്ര പോലിസില്‍ 24 മണിക്കൂറിനുള്ളില്‍ 106 പേര്‍ക്ക് കൊവിഡ് സ്ഥിരീകരിച്ചു. ഇന്ന് 2 പേര്‍ക്ക് ജീവഹാനിയുണ്ടായി. സംസ്ഥാനത്ത് 14,295 പോലിസുകാര്‍ക്കാണ് ഇതുവരെ കൊവിഡ് സ്ഥിരീകരിച്ചിട്ടുള്ളത്. 2,604 പോലിസുകാര്‍ വിവിധ ആശുപത്രികളിലായി ചികില്‍സയില്‍ കഴിയുന്നുണ്ട്. 11,545 പേര്‍ രോഗമുക്തരായി. ഇതുവരെ സംസ്ഥാനത്തെ പോലിസ് സേനയില്‍ മാത്രമായി 146 പേര്‍ കൊവിഡ് ബാധിച്ച്‌ മരിച്ചിട്ടുണ്ട്.