![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
ന്യൂഡല്‍ഹി: വായ്പ മൊറട്ടോറിയത്തില്‍ തീരുമാനമെടുക്കാന്‍ കേന്ദ്രസര്‍ക്കാറിന് രണ്ടാഴ്ചത്തെ സമയം നല്‍കി സുപ്രീംകോടതി. രണ്ടാഴ്ചക്കകം കേന്ദ്രസര്‍ക്കാറും ആര്‍.ബി.ഐയും ചേര്‍ന്ന് ഇക്കാര്യത്തില്‍ തീരുമാനമെടുക്കണം. ആഗസ്റ്റ് 31ന് അവസാനിച്ച വായ്പ മൊറട്ടോറിയം കാലാവധി സെപ്റ്റംബര്‍ 28 വരെ നീട്ടി നല്‍കണമെന്നും സുപ്രീംകോടതി നിര്‍ദേശിച്ചു.
കേന്ദ്രസര്‍ക്കാറിനും ആര്‍.ബി.ഐക്കും ഇത് അവസാന അവസരമാണ്. ജനങ്ങള്‍ക്ക് ഉപകാരപ്രദമായ രീതിയില്‍ മൊറട്ടോറിയം വിഷയത്തില്‍ തീരുമാനമുണ്ടാകണം. ഇനിയും കേസ് മാറ്റിവെക്കാനാകില്ലെന്നും സുപ്രീംകോടതിയുടെ മൂന്നംഗ ബെഞ്ച് കേന്ദ്രസര്‍ക്കാറിനെ അറിയിച്ചു. ജസ്റ്റിസുമാരായ അശോക് ഭൂഷന്‍, ആര്‍.സുഭാഷ് റെഡ്ഡി, എം.ആര്‍ ഷാ എന്നിവര്‍ വീഡിയോ കോണ്‍ഫറന്‍സിലൂടെയാണ് കേസ് പരിഗണിച്ചത്. മൊറട്ടോറിയം കാലയളവില്‍ വായ്പ പലിശ ഒഴിവാക്കി നല്‍കണമെന്ന് ആവശ്യപ്പെട്ടുള്ള ഹരജികളാണ് നിലവില്‍ സുപ്രീംകോടതിയുടെ പരിഗണനയിലുള്ളത്.
