മങ്കിപോക്സ് : വാക്സിന് തയ്യാറാക്കാന് ആവശ്യപ്പെട്ട് യൂറോപ്യന് യൂണിയന്
ബ്രസല്സ്: മങ്കിപോക്സ് വ്യാപിക്കുന്ന സാഹചര്യത്തില്, രാജ്യങ്ങളോട് വാക്സിന് തയാറാക്കാന് ആവശ്യപ്പെട്ട് യൂറോപ്യന് യൂണിയന്. ഈ സാഹചര്യത്തില് യൂറോപ്പില് റെഡ് അലര്ട്ട് പ്രഖ്യാപിച്ചിട്ടുണ്ട്. മങ്കിപോക്സിനു വേണ്ടി പ്രത്യേക വാക്സിനൊന്നും നിര്മ്മിച്ചിട്ടില്ലാത്ത സാഹചര്യത്തിലാണ് യൂറോപ്യന് യൂണിയന് ഈ തീരുമാനമെടുത്തത്.
വസൂരി പടര്ന്നു പിടിച്ച സാഹചര്യത്തില് ബ്രിട്ടീഷുകാര് നിര്മ്മിച്ച വാക്സിന് ഈ രോഗത്തിന് 85% വരെ ഫലപ്രദമാണ്. ബ്രിട്ടനില് ഈ വാക്സിന് ഉപയോഗിക്കുന്നുണ്ട്. ആരോഗ്യ പ്രവര്ത്തകര് ഉള്പ്പെടെ 20 പേര്ക്ക് ഈ വാക്സിന് കുത്തിവെച്ചിട്ടുണ്ടെന്നാണ് റിപ്പോര്ട്ടുകള് വ്യക്തമാക്കുന്നത്.
രോഗം കൂടുതല് വ്യാപിക്കാന് ഇടയായാല് ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിക്കാന് സാധ്യതയുണ്ടെന്ന റിപ്പോര്ട്ടുകളും പുറത്തു വരുന്നുണ്ട്. യാത്ര നിയന്ത്രണങ്ങള് ഉള്പ്പെടെ കര്ശന നിര്ദ്ദേശങ്ങള് കൊണ്ടുവരാന് സാധ്യതയുണ്ടെന്ന് റിപ്പോര്ട്ടുകള് വ്യക്തമാക്കുന്നു.