ലൈഫ് മിഷന് കേസില് സിബിഐ അന്വേഷണം തുടരാമെന്ന് ഹൈക്കോടതി
ശ്രീജ.എസ്
കൊച്ചി: വടക്കാഞ്ചേരി ലൈഫ് മിഷന് പദ്ധതിയിലെ കമ്മീഷന് ഇടപാട് സംബന്ധിച്ച കേസില് സിബിഐ അന്വേഷണം തുടരാമെന്ന് ഹൈക്കോടതി നിര്ദേശം. അന്വേഷണവുമായി സംസ്ഥാന സര്ക്കാര് സഹകരിക്കണമെന്നും കോടതി നിര്ദേശിച്ചു.
അനില് അക്കര എംഎല്എയുടെ പരാതിയുടെ അടിസ്ഥാനത്തില് സിബിഐ രജിസ്റ്റര് ചെയ്ത കേസ് റദ്ദാക്കണമെന്നാവശ്യപ്പെട്ട് ലൈഫ് മിഷന് സിഇഒ യു.വി. ജോസ് സമര്പ്പിച്ച ഹര്ജി കോടതി ഫയലില് സ്വീകരിക്കുകയും ചെയ്തു. വാദം തുടരാനായി കേസ് അടുത്ത വ്യാഴാഴ്ചത്തേക്ക് മാറ്റി.
വടക്കാഞ്ചേരി ലൈഫ് മിഷന് പദ്ധതിയുമായി ബന്ധപ്പെട്ട ആരോപണങ്ങള് രാഷ്ട്രീയ പ്രേരിതമാണെന്നും ചട്ടവിരുദ്ധമല്ലെന്നും സര്ക്കാര് ഹൈക്കോടതിയില് വാദിച്ചു. കോണ്ഗ്രസ് നേതാവ് രാഷ്ട്രീയ വൈരാഗ്യത്തെ തുടര്ന്ന് നല്കിയ പരാതിയാണിതെന്നും സര്ക്കാര് വ്യക്തമാക്കി.