പെണ്‍കുട്ടിയോട് മോശമായി പെരുമാറിയ പൊലീസുകാരനെ സസ്പെന്‍റ് ചെയ്തു
സിന്ധുമോള്‍ . ആര്‍
കല്‍പറ്റ: പെണ്‍കുട്ടിയോട് മോശമായി പെരുമാറിയെന്ന പരാതിയില്‍ കല്‍പറ്റ ട്രാഫിക് യൂനിറ്റിലെ സിവില്‍ പൊലീസ് ഓഫീസര്‍ ജാക്സണെ ജില്ല പൊലീസ് മേധാവി സസ്പെന്‍ഡ് ചെയ്തു. രണ്ടു ദിവസം മുമ്പ് പകല്‍ 12 മണിയോടെ കല്‍പറ്റ ട്രാഫിക് ജങ്ഷന്‍ വഴി വീട്ടിലേക്ക് നടന്നുപോവുകയായിരുന്ന പെണ്‍കുട്ടിയെ പൊലീസുകാരന്‍ ചോദ്യം ചെയ്ത്, കണ്ടെയ്ന്‍മെന്റ് സോണാണെന്നും എങ്ങോട്ടാണ് പോകുന്നതെന്നും ചോദിച്ചു. നഗരസഭ പരിധിയില്‍ വീട്ടിലേക്കാണെന്ന് പറഞ്ഞപ്പോള്‍ യൂനിഫോമില്‍ കാറില്‍ കയറിയ പൊലീസുകാരന്‍ പെണ്‍കുട്ടിയെ വീട്ടില്‍ വിടാമെന്ന് പറഞ്ഞു.
അല്‍പദൂരം കഴിഞ്ഞതോടെ ഇയാള്‍ അപമര്യാദയായി പെരുമാറി. പന്തികേട് തോന്നിയ പെണ്‍കുട്ടി അവിടെ ഇറങ്ങുകയും വീട്ടിലെത്തി വിവരം പറയുകയുമായിരുന്നു. രക്ഷിതാക്കള്‍ എസ്.പി ആര്‍. ഇളങ്കോയെ വിവരമറിച്ചു. അന്വേഷണത്തെ തുടര്‍ന്നാണ് ജാക്സണെ സസ്പെന്‍ഡ് ചെയ്തത്. പൊലീസ് രഹസ്യാന്വേഷണ വിഭാഗം ഇതു സംബന്ധിച്ച്‌ റിപ്പോര്‍ട്ട് നല്‍കിയിട്ടുണ്ട്.
![“Manju”](https://santhigirinews.org/wp-content/uploads/2020/04/YOUTUBE.jpg")
