സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട് വ്യാജവാര്ത്ത പ്രചരിപ്പിച്ച സംഭവത്തില് ഒരാള് അറസ്റ്റില്
സിന്ധുമോൾ. ആർ
മുംബൈ: ബോളിവുഡ് നടന് സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട് സമൂഹമാധ്യമങ്ങളിലൂടെ വ്യാജവാര്ത്തകള് പ്രചരിച്ച സംഭവത്തില് ഒരാള് അറസ്റ്റില്. വിഭോര് ആനന്ദ് എന്നയാളെയാണ് മുംബൈ പോലീസ് അറസ്റ്റ് ചെയ്തത്. അഭിഭാഷകനെന്ന് സ്വയം വിശേഷിപ്പിക്കുന്ന ഇയാള് ട്വിറ്ററില് കൂടിയാണ് വ്യാജആരോപണങ്ങള് ഉന്നയിച്ചത്. ഇയാളുടെ അക്കൗണ്ട് ട്വിറ്റര് സസ്പെന്ഡ് ചെയ്തിരുന്നു.
സുശാന്തിന്റെയും ജീവനൊടുക്കിയ അദ്ദേഹത്തിന്റെ മാനേജര് ദിഷാ സാലിയനെക്കുറിച്ചും ഇയാള് വ്യാജവാര്ത്തകള് പ്രചരിപ്പിച്ചിരുന്നു. നിരവധി ആളുകളെ ലക്ഷ്യമിട്ടാണ് ഇയാള് ഇത്തരം പോസ്റ്റുകള് പങ്കുവച്ചത്. ദിഷ സാലിയന് പീഡനത്തിന് ഇരയായിയെന്നും ഇതില് മനംനൊന്താണ് അവര് ജീവനൊടുക്കിയതെന്നും മരിക്കുന്നതിനു മുന്പ് നിരവധി പ്രമുഖരുടെ പേര് വെളിപ്പെടുത്തിയെന്നും ആനന്ദ് ട്വിറ്ററില് കുറിച്ചു.