വനിതാ ക്രിക്കറ്റ് താരം മന്സി ജോഷിക്ക് കോവിഡ്
ശ്രീജ.എസ്
മുംബൈ: ഇന്ത്യന് വനിതാ ക്രിക്കറ്റ് താരം മന്സി ജോഷിക്ക് കോവിഡ് രോഗം സ്ഥിരീകരിച്ചു. ഇതേ തുടര്ന്ന് താരത്തിന് വിമന്സ് ട്വന്റി-20 ചലഞ്ച് ടൂര്ണമെന്റ് നഷ്ടമാകും. കോവിഡ് സ്ഥിരീകരിച്ചതിനാല് മുംബൈയിലെ ക്യാമ്പിലേക്ക് താരം എത്തിയില്ല.
ഇന്ത്യന് മുന് നായകന് മിഥാലി രാജ് നയിക്കുന്ന വെലോസിറ്റി ടീമില് അംഗമാണ് മന്സി. മന്സിക്ക് പകരം പേസര് മേഘന സിംഗിനെ വെലോസിറ്റി ടീമിലെടുത്തു. ഇന്ത്യയില് കോവിഡ് വ്യാപനം രൂക്ഷമായതിനാല് യുഎഇയാണ് ഇത്തവണ വിമന്സ് ട്വന്റി-20 ചലഞ്ചിന് വേദിയാകുന്നത്. യുഎഇയിലേക്ക് പോകുന്നതിന് മുന്പ് വനിതാ താരങ്ങള് മുംബൈയില് ഒന്പത് ദിവസത്തെ ക്വാറന്ന്റൈന് കാലാവധി പൂര്ത്തിയാക്കി കോവിഡ് പരിശോധനയ്ക്കും വിധേയരാകണമെന്നാണ് നിയമം.