കേരളത്തില് നവംബര് 15നു ശേഷം സ്കൂളുകള് ഭാഗികമായി തുറന്നേക്കും
സിന്ധുമോൾ. ആർ
കോവിഡ് വ്യാപനം നീളുന്ന സാഹചര്യത്തില് സ്കൂളുകള് ഭാഗികമായി തുറക്കുന്നതു സര്ക്കാരിന്റെ പരിഗണനയില്. ഈ മാസം 15നു ശേഷം സ്കൂളുകള് തുറക്കാന് തയാറാണെന്നു വിദ്യാഭ്യാസ വകുപ്പ് സര്ക്കാരിനെ അറിയിച്ചു. ആദ്യഘട്ടത്തില് 10, 12 ക്ലാസ് വിദ്യാര്ഥികള്ക്കു മാത്രമാകും പ്രവേശനം അനുവദിക്കുക. ഇവരെ ബാച്ചുകളായി തിരിച്ച് ക്ലാസുകളില് സുരക്ഷിത അകലം ഉറപ്പാക്കും. ആരോഗ്യ വിദഗ്ധരുമായി ചര്ച്ച ചെയ്ത ശേഷമാകും അന്തിമ തീരുമാനം ഉണ്ടാകുക.
എസ്എസ്എല്സി, പ്ലസ് ടു പരീക്ഷകള് അടുത്തെത്തുന്നതിനാല് കുട്ടികളുടെയും രക്ഷിതാക്കളുടെയും ആശങ്ക കൂടി പരിഗണിച്ചാണ് തീരുമാനം. അതേസമയം കോവിഡ് കേസുകള് കൂടുതലുള്ള മേഖലകളില് ക്ലാസ് ഒഴിവാക്കും. സ്കൂളുകള് തുറക്കുന്നത് സംബന്ധിച്ച് സംസ്ഥാന സര്ക്കാരുകള്ക്ക് തീരുമാനമെടുക്കാമെന്ന് കേന്ദ്ര സര്ക്കാര് അറിയിച്ചിട്ടുണ്ടെങ്കിലും യുപിയിലും പുതുച്ചേരിയിലും മാത്രമാണു ക്ലാസ് തുടങ്ങിയത്. തമിഴ്നാട് ഈ മാസം 16 മുതല് സ്കൂളുകള് തുറക്കാന് തീരുമാനിച്ചിട്ടുണ്ട്. ഇതിനുപിന്നാലെയാണ് കേരളവും സ്കൂളുകള് നിയന്ത്രണങ്ങളോടെ തുറക്കാന് പദ്ധതിയിടുന്നത്.