![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ഹെഡ് കോച്ച്‌ പെപ് ഗ്വാര്‍ഡിയോള പുതിയ കരാര്‍ ഒപ്പിട്ട ശേഷം മാഞ്ചസ്റ്റര്‍ സിറ്റിയില്‍ തുടരും. 2022-2023 സീസണിന്റെ അവസാനം വരെ ക്ലബില്‍ കാണും. നിലവിലെ കാമ്പെയ്‌നിന്റെ അവസാനത്തില്‍ ഗ്വാര്‍ഡിയോളയുടെ നിലവിലെ കരാര്‍ അവസാനിക്കാനിരിക്കുകയായിരുന്നു, എന്നാല്‍ പുതിയ കരാര്‍ വീണ്ടും നീട്ടുകയായിരുന്നു.
മാഞ്ചസ്റ്റര്‍ സിറ്റിയില്‍ ചേര്‍ന്നതിനുശേഷം, 49-കാരന്‍ ക്ലബ്ബിന്റെ കളിരീതിയില്‍ പരിവര്‍ത്തനാത്മക സ്വാധീനം ചെലുത്തി, ടീമിനെ എട്ട് പ്രധാന ട്രോഫികളിലേക്ക് നയിക്കുകയും നിരവധി റെക്കോര്‍ഡുകള്‍ സൃഷ്ടിക്കുകയും ചെയ്തു. അദ്ദേഹത്തിന്റെ ചുമതലയുള്ള 245 മത്സരങ്ങളില്‍ 181 ഉം ടീം വിജയിച്ചു- 73.87 ശതമാനം വിജയശതമാനം ആണ് അദ്ദേഹത്തിന് ഉള്ളത്.
