കോവിഡ് : ഡൽഹി വിമാനങ്ങൾക്ക് വിലക്ക്
സിന്ധുമോൾ. ആർ
ന്യൂഡല്ഹി: ഡല്ഹിയില് നിന്നുള്ള എയര്ഇന്ത്യ വിമാനങ്ങള്ക്ക് യാത്രാവിലക്ക് ഏര്പ്പെടുത്തി ഹോങ്കോങ്. കഴിഞ്ഞയാഴ്ച ഡല്ഹിയില് നിന്നും എയര്ഇന്ത്യ വിമാനത്തില് ഹോങ്കോംഗിലെത്തിയ ചില യാത്രക്കാര്ക്ക് വിമാനത്താവളത്തില് വച്ച് നടത്തിയ പരിശോധനയില് കോവിഡ് സ്ഥിരീകരിച്ചിരുന്നു. ഇതേ തുടര്ന്നാണ് വിലക്കേര്പ്പെടുത്തിയത്. ഇത് അഞ്ചാംതവണയാണ് എയര് ഇന്ത്യ വിമാനങ്ങള്ക്ക് ഹോങ്കോങില് വിലക്ക് ഏര്പ്പെടുത്തുന്നത്
നവംബര് 20 മുതല് ഡിസംബര് മൂന്ന് വരെയാണ് വിലക്ക്. യാത്രക്ക് 72 മണിക്കൂര് മുമ്പുവരെ നടത്തിയ കോവിഡ് പരിശോധന സര്ട്ടിഫിക്കറ്റ് ഉണ്ടെങ്കില് മാത്രമാണ് ഹോങ്കോങ്ങിലേക്ക് യാത്ര അനുവദിക്കുക. വിദേശത്തുനിന്നെത്തുന്ന എല്ലാ യാത്രക്കാരും വിമാനത്താവളത്തിലെത്തിയശേഷം കോവിഡ് പരിശോധനക്ക് വിധേയമാകുകയും വേണം.