ശ്രീജ.എസ്
ന്യൂഡല്ഹി: കേരള പോലീസ് ആക്ടിനെതിരെ മുതിര്ന്ന അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷണ്. സൈബര് ആക്രമണങ്ങള് തടയാന് ലക്ഷ്യമിട്ട് കേരള സര്ക്കാര് കൊണ്ടുവന്ന പോലീസ് ആക്ട് ഭേദഗതിക്കെതിരെയാണ് പ്രശാന്ത് ഭൂഷണ് രംഗത്ത് വന്നത്. കേരള സര്ക്കാര് പോലീസ് നിയമങ്ങളില് ഭേദഗതി വരുത്തിയ നടപടി നിര്ദ്ദയവും വിമതശബ്ദങ്ങളെ അടിച്ചമര്ത്തുന്നതാണെന്നും പ്രശാന്ത് ഭൂഷണ് പറഞ്ഞു. ട്വിറ്ററിലായിരുന്നു അദ്ദേഹത്തിന്റെ പ്രതികരണം.
‘കുറ്റകരമായി കരുതപ്പെടുന്ന സോഷ്യല് മീഡിയ പോസ്റ്റുകള്ക്ക് ജയില് ശിക്ഷ നല്കുന്ന ഓര്ഡിനന്സിലൂടെ കേരള പോലീസ് ആക്ടില് സംസ്ഥാന സര്ക്കാര് ഭേദഗതി വരുത്തിയിട്ടുണ്ട്. ഇത് ക്രൂരവും വിമത ശബ്ദങ്ങളെ നിശബ്ദമാക്കുകയും ചെയ്യുന്ന നിയമമാണ്. ഐടി ആക്ടില് നിന്ന് ഒഴിവാക്കിയ സെക്ഷന് 66 (എ)യ്ക്ക് സമാനമാണിത്,’ പ്രശാന്ത് ഭൂഷണ് ട്വീറ്റ് ചെയ്തു.