സിന്ധുമോൾ. ആർ
ന്യൂഡല്ഹി: കൊവിഡ് വ്യാപനത്തിന്റെ പശ്ചാത്തലത്തില് രാജ്യത്തെ സ്ഥിതിഗതികള് വിലയിരുത്താന് പ്രധാനമന്ത്രി നരേന്ദ്ര മോദിയുടെ നേതൃത്വത്തില് ഇന്ന് സര്വകക്ഷി യോഗം ചേരും. വീഡിയോ കോണ്ഫറന്സിലൂടെയാണ് യോഗം.
യോഗത്തില് കേന്ദ്ര ആഭ്യന്തരമന്ത്രി അമിത്ഷാ, പ്രതിരോധ മന്ത്രി രാജ്നാഥ് സിംഗ്, ആരോഗ്യമന്ത്രി ഹര്ഷവര്ദ്ധന് ഉള്പ്പെടെയുള്ളവര് പങ്കെടുക്കുമെന്നാണ് സൂചന.10 എംപിമാരില് കൂടുതലുള്ള പാര്ട്ടികള്ക്കു മാത്രമേ യോഗത്തില് സംസാരിക്കാന് അനുമതിയുള്ളൂ. രാജ്യത്തെ നിലവിലെ കൊവിഡ് സാഹചര്യം വിലയിരുത്തുന്നതിനൊപ്പം വാക്സിനുമായി ബന്ധപ്പെട്ട കാര്യങ്ങളും ചര്ച്ച ചെയ്യും. ദിവസങ്ങള്ക്ക് മുമ്പ് വാക്സിന് പരീക്ഷണം നടക്കുന്ന വിവിധ ലാബുകള് സന്ദര്ശിച്ച് മോദി സ്ഥിതിഗതികള് വിലയിരുത്തിയിരുന്നു. ഇതുമായി ബന്ധപ്പെട്ട കാര്യങ്ങളും യോഗത്തില് ചര്ച്ച ചെയ്തേക്കും.കൊവിഡ് വ്യാപനത്തിന്റെ പശ്ചാത്തലത്തില് രണ്ടാം തവണയാണ് മോദി സര്വകക്ഷി യോഗം വിളിക്കുന്നത്.