ശ്രീജ.എസ്
ബംഗളൂരു;കര്ണാടകയില് ഗോവധ നിരോധന നിയമ ബില് നിയമസഭയില് പാസാക്കി. ശബ്ദവോട്ടോടെയാണ് ബില് പാസാക്കിയത്. ഇനി ഉപരിസഭയില് കൂടി ബില് പാസാകണം. ബില് നിയമമാകുന്നതോടെ പശു, കാള, പോത്ത് തുടങ്ങിയ കാലികളെ കൊല്ലുന്നത് നിയമവിരുദ്ധമാകും. കാലികളെ കശാപ്പു ചെയ്യുന്നവര്ക്ക് 50,000 രൂപ മുതല് അഞ്ച് ലക്ഷം രൂപ വരെ പിഴയും ഏഴ് വര്ഷം വരെ തടവും ശിക്ഷ നല്കുന്നതാണ് നിയമം.
കുറ്റവാളിയെന്ന് തെളിഞ്ഞാല് അവരുടെ കാലികള്, വസ്തുക്കള്, സ്ഥലം, വാഹനങ്ങള് എന്നിവ കണ്ടുകെട്ടാനും നിയമംമൂലം സര്ക്കാരിന് കഴിയും. സംശയകരമായി തോന്നുന്ന കന്നുകാലി വളര്ത്തല് കേന്ദ്രങ്ങളില് എസ്.ഐ റാങ്ക് മുതലുള്ള ഉദ്യോഗസ്ഥര്ക്ക് കയറി പരിശോധന നടത്താനും കാലികളെ പിടിച്ചെടുക്കാനും നിയമം അനുവദിക്കുന്നു.