InternationalLatest
ടെന്നീസ് താരം മരിയ ഷറപ്പോവ വിവാഹിതയാകുന്നു
സിന്ധുമോൾ. ആർ
ടെന്നീസ് താരം മരിയ ഷറപ്പോവ വിവാഹിതയാകുന്നു. ബ്രിട്ടീഷ് വ്യവസായി അലക്സാണ്ടര് ജില്ക്സാണ് വരന്. ഇന്സ്റ്റഗ്രാം പോസ്റ്റിലൂടെയാണ് വിവാഹ നിശ്ചയം കഴിഞ്ഞ വിവരം ഷറപ്പോവ പരസ്യമാക്കിയത്. 2018 ഒക്ടോബറിലാണ് ഷറപ്പോവയും അലക്സാണ്ടര് ജില്ക്സും തമ്മിലുള്ള പ്രണയം പൊതുജന ശ്രദ്ധയില്പ്പെട്ടത്. ബ്രിട്ടീഷ്– ബഹ്റൈന് ഫാഷന് ഡിസൈനറായ മിഷ നോനുവാണ് അലക്സാണ്ടറിന്റെ ആദ്യ ഭാര്യ. ഈ ബന്ധത്തില് ഒരു കുഞ്ഞുണ്ട്.
‘ആദ്യകാഴ്ചയില് തന്നെ ഞാന് യെസ് പറഞ്ഞു. ഇത് നമ്മുടെ കൊച്ചു രഹസ്യമായിരുന്നു. അല്ലേ? – അലക്സാണ്ടര് ജില്ക്സിനൊപ്പമുള്ള ചിത്രങ്ങള് പങ്കുവച്ച് ഷറപ്പോവ കുറിച്ചു. ഈ വര്ഷം ഫെബ്രുവരിയിലാണ് പ്രഫഷനല് ടെന്നീസില് നിന്നും ഷറപ്പോവ വിരമിച്ചത്. അഞ്ച് തവണ ഗ്രാന്സ്ലാം കിരീടം ചൂടിയിട്ടുണ്ട്.