നേതൃത്വം – കെ. മുരളീധരനെയും കെ. സുധാകരനെയും അനുകൂലിച്ച് പോസ്റ്ററുകള്
തൃശൂര്: തദ്ദേശതെരഞ്ഞെടുപ്പില് കോണ്ഗ്രസിനേറ്റ പരാജയത്തില് കോണ്ഗ്രസ് നേതൃത്വം മാറണമെന്ന ആവശ്യം പ്രവര്ത്തകര്ക്കിടയില് ശക്തമാകുന്നു. കെ. മുരളീധരനെയും കെ. സുധാകരനെയും അനുകൂലിച്ചും നിരവധി നേതാക്കളെ എതിര്ത്തും തിരുവനന്തപുരത്തും തൃശൂരും കോഴിക്കോടും ഉള്പ്പെടെ പോസ്റ്ററുകള് പ്രത്യക്ഷപ്പെട്ടു.
തൃശൂര് നഗരത്തില് കെ. മുരളീധരനെ അനുകൂലിച്ചാണ് പോസ്റ്ററുകള്. ‘മുരളീധരനെ വിളിക്കൂ… കോണ്ഗ്രസിനെ രക്ഷിക്കൂ‘ എന്നാണ് പോസ്റ്ററിലെ ഉള്ളടക്കം. യൂത്ത് കോണ്ഗ്രസിന്റെയും കെ.എസ്.യുവിന്റെയും പേരിലാണ് പോസ്റ്ററുകള്. കെ. സുധാകരനെ വിളിക്കൂ… കോണ്ഗ്രസിനെ രക്ഷിക്കൂ എന്നാവശ്യപ്പെട്ടുള്ള ഫ്ലക്സുകളും കെ.പി.സി.സി ആസ്ഥാനത്ത് പ്രത്യക്ഷപ്പെട്ടിരുന്നു. കെ. സുധാകരനെ കെ.പി.സി.സി പ്രസിഡന്റാക്കണമെന്നാണ് ആവശ്യം.
കൊല്ലത്ത് കഴിഞ്ഞദിവസം ഡി.സി.സി പ്രസിഡന്റ് ബിന്ദു കൃഷ്ണക്കെതിരായി പോസ്റ്ററുകള് പതിച്ചിരുന്നു. ഡി.സി.സി, ആര്.എസ്.പി ഓഫിസിന് മുമ്പിലാണ് പോസ്റ്ററുകള് ഉയര്ന്നത്. സേവ് കോണ്ഗ്രസ് എന്ന പേരിലായിരുന്നു പോസ്റ്റര്. ബിന്ദു കൃഷ്ണ സ്ഥാനാര്ഥി നിര്ണയത്തില് പണം വാങ്ങിയെന്നും അവരെ പുറത്താക്കണമെന്നുമാണ് പോസ്റ്ററിലെ ആവശ്യം.
അതേസമയം നിയമസഭ തെരഞ്ഞെടുപ്പിന് മുമ്പ്ല് അതൃപ്തി രേഖപ്പെടുത്തുകയും ചെയ്തിരുന്നു. ഉമ്മന് ചാണ്ടിയെ സജീവമാക്കണമെന്നാണ് മുന്നണി പ്രവര്ത്തകരുടെ ആവശ്യം.