ശ്രീജ.എസ്
ന്യൂഡല്ഹി : അഞ്ചു വര്ഷത്തിനിടയില് ഇതാദ്യമായി നടക്കുന്ന ടെലികോം സ്പെക്ട്രം ലേലത്തിന്റെ ആദ്യ ദിവസം 77,146 കോടി രൂപയുടെ ഇടപാട്. 3.92 ലക്ഷം കോടി രൂപയുടെ വിവിധ മെഗാ ഹെട്സ് തരംഗ ദൈര്ഘ്യങ്ങളുടെ ലേലമാണ് നടക്കുന്നത്.
പുതിയ തലമുറയില്പെട്ട 5ജി സ്പെക്ട്രം ലേലം ഇക്കൂട്ടത്തില് ഇല്ല. ജിയോ, എയര്ടെല്, വൊഡാഫോണ് തുടങ്ങിയ കമ്പനികള് പങ്കെടുക്കുന്നുണ്ട്. ഏഴ് ബാന്റുകളിലുള്ള സ്പെക്ട്രം ലേലമാണ് നടക്കുന്നത്. 800,900,1800,2100,2300 മെഗാ ഹെട്സ് സ്പെക്ട്രങ്ങള്ക്കാണ് ബിഡ് ലഭിച്ചത്. 700,2500 മെഗാ ഹെട്സ് സ്പെക്ട്രങ്ങള്ക്ക് കമ്പനികള് താല്പ്പര്യം പ്രകടിപ്പിച്ചില്ല. ലേലം ഇന്നും തുടരും.