സിന്ധുമോൾ. ആർ
ന്യൂഡല്ഹി: ഇന്ത്യയില് കൊറോണ വൈറസ് രോഗം സ്ത്രീകളെ അപേക്ഷിച്ച് പുരുഷന്മാരിലാണ് മാരകമായി ബാധിച്ചതെന്ന് കണക്കുകള് വ്യക്തമാകുന്നു. രാജ്യത്ത് കൊറോണ വൈറസ് രോഗം ബാധിച്ച് മരിച്ച 1.47 ലക്ഷം പേരില് 70 ശതമാനം പേരും പുരുഷന്മാരാണെന്നാണ് കണക്കുകള് പറയുന്നു. ആകെ മരണത്തില് 45 ശതമാനവും 60 വയസിനു താഴെയുള്ളവരാണെന്നും കേന്ദ്ര ആരോഗ്യമന്ത്രാലയം പുറത്ത് വിട്ട കണക്കുകള് വ്യക്തമാക്കുകയാണ്. ആകെ കൊറോണ വൈറസ് കേസുകളില് അറുപത്തിമൂന്ന് ശതമാനവും പുരുഷന്മാരിലാണ് റിപ്പോര്ട്ട് ചെയ്യപ്പെട്ടത്. 52 ശതമാനം കേസുകള് 18-44 വയസിനിടയിലാണെങ്കിലും 11 ശതമാനം മരണങ്ങള് മാത്രമാണ് ഈ വിഭാഗത്തില് നിന്ന് റിപ്പോര്ട്ട് ചെയ്തിരിക്കുന്നത്.