അടഞ്ഞ് കിടക്കുന്ന സിനിമാശാലകള് തുറക്കാനുള്ള ആവശ്യം ഉന്നയിച്ച് സംവിധായകന് സത്യന് അന്തിക്കാട്. തൃശ്ശൂരില് വച്ച് നടന്ന പരിപാടിയില് മുഖ്യമന്ത്രിയോട് സത്യന് അന്തിക്കാട് ഇക്കാര്യം നേരിട്ടാവശ്യപ്പെടുകയായിരുന്നു. “ബാറും സ്കൂളും കോളേജും ഒക്കെ തുറക്കുന്നു. എന്തുകൊണ്ട് സിനിമാ തിയേറ്ററുകള് തുറക്കുന്നില്ല? പല സംസ്ഥാനങ്ങളിലും സിനിമാ തിയേറ്ററുകള് തുറന്നുകഴിഞ്ഞു. കോവിഡ് പൂര്ണ്ണമായും മാറിയിട്ട് തിയേറ്ററുകള് തുറക്കാനിരുന്നാല് അത് ഒരുപാട് ആളുകളെ നല്ല രീതിയില് ബാധിക്കും. ഇന്ന് ഗ്രാമങ്ങളില്പോലും നല്ല നിലവാരമുള്ള തിയേറ്ററുകള് ഉണ്ടായിരിക്കുകയാണ്. കോവിഡ് മാനദണ്ഡങ്ങള് പാലിച്ചുകൊണ്ടു തന്നെ തിയേറ്ററുകള് ഇനിയും വൈകാതെ തുറക്കാന് അനുമതി നല്കണം. ഇപ്പോള് തന്നെ ഏകദേശം അറുപതോളം സിനിമകള് തിയേറ്ററിലെത്താന് കാത്തിരിക്കുന്നുണ്ട്. തിയേറ്ററുകള് തുറന്നാല് ഒന്നിന് പിറകെ ഒന്നായി റിലീസ് ചെയ്യാന് കഴിയും,” സത്യന് അന്തിക്കാട് പറഞ്ഞു.
Related Articles
സംസ്ഥാന സര്ക്കാര് സര്വീസില് നിന്നും തിങ്കളാഴ്ച വിരമിക്കുന്നത് 9,205 ഉദ്യോഗസ്ഥര്
June 1, 2021 1:05 PM
Check Also
Close
-
പ്രവാസികളുടെ മക്കള്ക്ക് മെഡിക്കല് പ്രവേശനം; വഴികാണിക്കാന് വെബിനാര് ഇന്ന്October 10, 2020 9:48 AM