Latest
വാട്സ്ആപ്പ് ഉപേക്ഷിക്കുന്നവരുടെ എണ്ണത്തില് വന് വര്ധനവ് രേഖപ്പെടുത്തി
സിന്ധുമോൾ. ആർ
വാട്സ്ആപ്പ് പ്രൈവസി പോളിസി പുതുക്കുന്നുവെന്ന അറിയിപ്പ് നല്കിയതിന് പിറകെ ആപ്ലിക്കേഷന് ഉപേക്ഷിക്കുന്നവരുടെ എണ്ണത്തില് വന് വര്ധനവെന്ന് റിപ്പോര്ട്ടുകള് സൂചിപ്പിക്കുന്നു. മറ്റ് മെസേജിംഗ് ആപ്ലിക്കേഷനുകളിലേക്ക് ആളുകള് ചേക്കേറിയിട്ടുണ്ട്. മെസേജിംഗ് ആപ്ലിക്കേഷനുകളായ സിഗ്നല്, ടെലഗ്രാം അടക്കമുള്ളവയുടെ ഡൗണ്ലോഡിംഗില് വര്ധനവ് ഉണ്ടായിട്ടുണ്ട്.
ആപ്പിളിന്റെ ആപ്പ് സ്റ്റോറില് മികച്ച സൗജന്യ മെസേജിംഗ് ആപ്ലിക്കേഷനുകളില് സിഗ്നല് പ്രൈവറ്റ് മെസഞ്ചര് ആപ്ലിക്കേഷന് ഒന്നാമതായി. വാട്സ്ആപ്പ് മൂന്നാം സ്ഥാനത്തേക്ക് എത്തി. തങ്ങളുടെ ആപ്ലിക്കേഷന് ഡൗണ്ലോഡ് ചെയ്യുന്നവരുടെ എണ്ണം വര്ധിച്ചതായി സിഗ്നല് ആപ്ലിക്കേഷന് വക്താവ് വെളിപ്പെടുത്തി.