ശ്രീജ.എസ്
കാര്ഷിക നിയമവുമായി ബന്ധപ്പെട്ട് സുപ്രിം കോടതിയില് നിയമ വ്യവഹാരം കേന്ദ്രവും സംസ്ഥാനങ്ങളും തമ്മിലുള്ള പോരാട്ടമായി മാറും. കാര്ഷിക നിയമങ്ങളുമായി ബന്ധപ്പെട്ട ഹര്ജികള് നാളെ മുതല് കേള്ക്കാനാണ് സുപ്രിം കോടതി തീരുമാനം. സംഘടനകളും വ്യക്തികളും നല്കിയ ഹര്ജികളും സുപ്രിം കോടതി നാളെ പരിഗണിക്കും.
കര്ഷകര് നടത്തുന്ന സമരം സഞ്ചാര സ്വാതന്ത്ര്യം തടസപ്പെടുത്തുന്നു എന്ന ഹര്ജി അടക്കം സുപ്രിം കോടതി പരിഗണിക്കും. സംസ്ഥാനങ്ങളില് പഞ്ചാബ് ആണ് കാര്ഷിക നിയമങ്ങളുടെ സാധുതയെ പ്രധാനമായും ചോദ്യം ചെയ്യുക. ബംഗാള്, ജാര്ഖണ്ഡ്, രാജസ്ഥാന്, കേരളം അടക്കമുള്ള സംസ്ഥാനങ്ങള് വരും ദിവസങ്ങളില് പഞ്ചാബിന് പിന്നില് സുപ്രിം കോടതിയില് എത്തും.