![“Manju”](https://santhigirinews.org/wp-content/uploads/2020/04/YOUTUBE.jpg")
വി. എം. സുരേഷ് കുമാർ
വടകര: ഇരിങ്ങല്‍ അഴീക്കല്‍ കടവിന് സമീപം വിദ്യാര്‍ത്ഥി മുങ്ങി മരിച്ചു. വടകര അറക്കിലാട് മക്കെട്ടേരി മീത്തല്‍ പി വി ഹൌസില്‍ റഹീമിന്റെ മകന്‍ മുഹമ്മദ് ഇക്ബാല്‍ ( 18) ആണ് മുങ്ങി മരിച്ചത്. ഇന്ന് ഉച്ചയ്ക്കായിരുന്നു സംഭവം. ഇരിങ്ങലിലെ സുഹൃത്തിന്റെ വീട്ടില്‍ എത്തിയ ശേഷം കുളിക്കാനിറങ്ങിയതായിരുന്നു. കുന്നത്ത് പാറക്ക് സമീപമാണ് മുങ്ങിപ്പോയത്. വടകര എയര്‍ കൊണ്ട്സ് ഐ‌ടി‌ഐയിലെ രണ്ടാം വര്‍ഷ ഇലക്ട്രിക്കല്‍ വിദ്യാര്‍ഥിയാണ്. ഉമ്മ: ജുവൈരിയ. സഹോദരന്‍: ഇസ്മയില്‍. മൃതദേഹം കോഴിക്കോട് മെഡിക്കല്‍ കോളേജ് ആശുപത്രി മോര്‍ച്ചറിയില്‍.
