ഐ.സി.സി റാങ്കിംഗ് ടീം ഇന്ത്യയ്ക്കും യുവതാരങ്ങൾക്കും മുന്നേറ്റം

ദുബായ്: ഐ.സി.സി ടെസ്റ്റ് റാങ്കിംഗിൽ നേട്ടവുമായി ടീം ഇന്ത്യയും യുവതാരങ്ങളും. ടെസ്റ്റും പരമ്പരയും സ്വന്തമാക്കിയ ഇന്ത്യ ഓസീസിനെ പിന്തള്ളി രണ്ടാം സ്ഥാനത്തേക്ക് കയറി. 32 മത്സരങ്ങളിലായി 3765 പോയിന്റ് നേടിയ ഇന്ത്യക്ക് 118 റേറ്റിംഗ് പോയിന്റാണ് ലഭിച്ചത്. ഓസീസ് 113 പോയിന്റുമായി മൂന്നാം സ്ഥാനത്താണ്. ഒന്നാം സ്ഥാനത്ത് ന്യൂസിലന്റാണ്.

ടെസ്റ്റ് ബൗളിംഗിൽ ഇന്ത്യയുടെ അശ്വിൻ എട്ടാം സ്ഥാനത്തും ബൂമ്ര 9-ാം സ്ഥാനത്തുമാണ്. ജഡേജ 14-ാം സ്ഥാനത്തുണ്ട്. അഞ്ചുവിക്കറ്റ് നേട്ടത്തോടെ ഗാബ ടെസ്റ്റ് അവിസ്മരണീയമാക്കിയ മുഹമ്മദ് സിറാജും അരങ്ങേറ്റം നടത്തിയ വാഷിംഗ്ടൺ സുന്ദറും ഷാർദ്ദൂൽ ഠാക്കൂറും റാങ്കിൽ നില മെച്ചപ്പെടുത്തി.മുഹമ്മദ് സിറാജ് 46-ാം സ്ഥാനത്തേക്ക് കയറി.