സൈനിക സഹകരണം ശക്തമാക്കി ഇന്ത്യയും യു.എ.ഇയും

റഫേലിന് ആകാശത്ത് വച്ച് ഇന്ധനം നിറയ്ക്കാൻ യുഎഇ വ്യോമസേന.

ന്യൂഡൽഹി : ഫ്രാൻസിൽ നിന്ന് ഇന്ത്യയിലേക്ക് പറക്കുന്ന റഫേലിന് ആകാശത്ത് വച്ച് ഇന്ധനം നിറയ്ക്കുന്നത് യു‌എ‌ഇ വ്യോമസേന. യു.എ.ഇ വ്യോമസേനയുടെ എയർ ബസ് മൾട്ടി റോൾ ട്രാൻസ്പോർട്ട് ടാങ്കറാണ് ഇന്ധനം നിറയ്ക്കാനെത്തുക. രണ്ടുവട്ടമാണ് റഫേൽ വിമാനങ്ങൾക്ക് ഇന്ത്യയിലേക്കുള്ള യാത്രാമദ്ധ്യേ ഇന്ധനം നിറയ്ക്കുന്നത്.

ഇന്ത്യ – യുഎഇ സൈനിക സഹകരണം കൂടുതൽ ശക്തമാകുന്നതിന്റെ സൂചനയാണിതെന്ന് പ്രതിരോധ നിരീക്ഷകർ ചൂണ്ടിക്കാട്ടുന്നു. ഇന്ത്യ-ഫ്രാൻസ് – യുഎഇ ത്രിരാഷ്ട്ര സൈനിക അഭ്യാസവും ഉടൻ തീരുമാനിച്ചേക്കുമെന്നും സൂചനകളുണ്ട്. ദേശീയ സുരക്ഷ ഏജൻസി തലവൻ അജിത് ഡോവലാണ് ഇന്ത്യ-യുഎഇ സൈനിക സഹകരണത്തിന് പ്രധാന നേതൃത്വം വഹിക്കുന്നത്. 2014 ൽ പ്രധാനമന്ത്രി നരേന്ദ്ര മോദി അധികാരമേറ്റതു മുതൽ ഇന്ത്യയും യുഎഇയും തമ്മിൽ ഊഷ്മളമായ നയതന്ത്രബന്ധമാണുള്ളത്.