കോഴിക്കോട്: രാഷ്ട്രീയ പാര്ട്ടികളിലുള്പ്പെടെ സജീവമായ യുവാക്കള്ക്കിടയില് മാവോവാദി സാന്നിധ്യം ദേശീയ അന്വേഷണ ഏജന്സി (എന്.ഐ.എ) അന്വേഷിക്കും. കോഴിക്കോട്, കണ്ണൂര്, മലപ്പുറം ജില്ലകള് കേന്ദ്രീകരിച്ചാണ് അന്വേഷണം.
വ്യാഴാഴ്ച അറസ്റ്റ് ചെയ്ത വിജിത് വിജയന് പന്തീരാങ്കാവ് മാവോവാദി കേസിലെ പ്രതികളായ താഹ ഫസലും അലന് ഷുഹൈബുമായി ബന്ധമുണ്ടെന്നാണ് കണ്ടെത്തല്. ഇവരെ മാവോവാദി പ്രവര്ത്തകരാക്കാന് വിജിത് ശ്രമിച്ചെന്നാണ് കുറ്റം. പന്തീരാങ്കാവ് മാവോവാദി കേസിലെ അലെന്റയും താഹയുടെയും മൊഴിയുടെ അടിസ്ഥാനത്തിലാണ് വിജിത്തിലേക്കും അന്വേഷണം എത്തിയതെന്നാണ് അന്വേഷണ സംഘം പറയുന്നത്.