സിന്ധുമോൾ. ആർ
സുല്ത്താന്പുര്: പ്രധാനമന്ത്രി നരേന്ദ്രമോദിയുടെ സഹോദരന്റെ പേരില് പണപ്പിരിവ് നടത്തിയ യുവാവ് അറസ്റ്റില്. ജിതേന്ദ്ര തിവാരി എന്നയാളെയാണ് പോലീസ് പിടികൂടിയത്. പ്രധാനമന്ത്രിയുടെ ഓഫീസിന്റെ നിര്ദേശപ്രകാരമാണ് നടപടി.
തിങ്കളാഴ്ച വികാസ് ഭവന് സമീപത്ത് വച്ചാണ് ഇയാളെ പിടികൂടിയത്. ഫെബ്രുവരി നാലിന് മോദിയുടെ സഹോദരന് പ്രഹ്ലാദ് മോദി പങ്കെടുക്കുന്ന പരിപാടിയുടെ പോസ്റ്റര് തിവാരിയുടെ കാറില് പതിച്ചിരുന്നു. പ്രധാനമന്ത്രിയുടെ സഹോദരന്റെ പേരില് ഇയാള് തന്നെയും സമീപിച്ചെന്ന് ബിജെപി ജില്ലാ പ്രസിഡന്റ് പറഞ്ഞു. സംഭവത്തില് കൂടുതല് അന്വേഷണം നടത്തുമെന്നും പോലീസ് വ്യക്തമാക്കി.