തിരുവനന്തപുരം: യൂണിവേഴ്സിറ്റി കോളജിന് മുന്പില് എസ്എഫ്ഐ-ബിജെപി സംഘര്ഷം. ബിജെപിയുടെ കൊടി സ്ഥാപിക്കുന്നതുമായി ബന്ധപ്പെട്ട തര്ക്കം സംഘര്ഷത്തില് കലാശിക്കുകയായിരുന്നു. കൊടി സ്ഥാപിക്കാനുള്ള ബിജെപി പ്രവര്ത്തകരുടെ ശ്രമം എസ്എഫ്ഐ പ്രവര്ത്തകര് തടഞ്ഞു. ബിജെപി ദേശീയ അധ്യക്ഷന് ജെ.പി. നദ്ദയുടെ കേരള സന്ദര്ശനത്തോട് അനുബന്ധിച്ചാണ് കൊടി സ്ഥാപിച്ചത്.
ഉടന് തന്നെ പോലീസ് സംഘം സ്ഥലത്തെത്തിയതിനാല് സംഘര്ഷം അക്രമത്തിലേക്ക് നീങ്ങുന്നത് തടയാനായി. ബിജെപി, എസ്എഫ്ഐ പ്രവര്ത്തകരെ പോലീസ് സംഭവ സ്ഥലത്തുനിന്ന് നീക്കി. സംഘര്ഷ സാധ്യത നിലനില്ക്കുന്നതിനാല് പോലീസ് സംഘം സ്ഥലത്ത് ക്യാമ്ബ് ചെയ്യുകയാണ്.