ഡെറാഡൂണ്: പാസ്പോര്ട്ടിന് അപേക്ഷ നല്കിയാല് പിന്നെ വലിയ കടമ്പ അതിന്റെ വെരിഫിക്കേഷന് നടപടിക്രമങ്ങളാണ്. ആള് ‘മാന്യനാണ്’ എന്ന റിപ്പോര്ട്ട് പൊലീസില്നിന്ന് ലഭിച്ചാല് മാത്രമേ പാസ്പോര്ട്ട് കൈയില് കിട്ടൂ. ചില അവസരങ്ങളില് പാസ്പോര്ട്ട് ഓഫീസില് നേരിട്ട് കയറിയിറങ്ങുകയും വേണ്ടി വരും.
എന്നാല് ഇതിനെല്ലാം പുറമെ പാസ്പോര്ട്ട് അപേക്ഷകരുടെ സമൂഹ മാധ്യമങ്ങളിലെ ഇടപെടല് കൂടി പരിശോധിക്കാന് തീരുമാനിച്ചാലോ? അത്തരമൊരു തീരുമാനത്തിലേക്ക് കടന്നിരിക്കുകയാണ് ഉത്തരാഖണ്ഡ് പൊലീസ്. പാസ്പോര്ട്ട് അനുവദിക്കുന്നതിന് സമൂഹ മാധ്യമങ്ങളിലെ സവഭാവം കൂടി പരിശോധിക്കാന് തീരുമാനിച്ചതായി ഉത്തരാഖണ്ഡ് ഡി.ജി.പി അശോക് കുമാര് പറഞ്ഞു.
ഉന്നത പൊലീസ് ഉദ്യോഗസ്ഥരുടെ യോഗത്തിലാണ് തീരുമനം കൈക്കൊണ്ടത്. സമൂഹ മാധ്യമങ്ങളുടെ വര്ധിക്കുന്ന ദുരുപയോഗം തടയുന്നതിനായാണ് നടപടിയെന്ന് അശോക് കുമാര് വ്യക്തമാക്കി.
എന്നാല് ഇത് പുതിയതായി നടപ്പാക്കുന്ന കാര്യമല്ലെന്നും പാസ്പോര്ട്ട് നിയമത്തിലുള്ള ചട്ടത്തിെന്റ നിര്വഹണം മാത്രമാണെനനും അദ്ദേഹം പറഞ്ഞു.
”ദേശവിരുദ്ധ പ്രവര്ത്തനങ്ങളില് ഏര്പ്പെടുന്നവര്ക്ക് രോഖ നല്കരുതെന്ന് പാസ്പോര്ട്ട് നിയമത്തില് ഒരു ചട്ടമുണ്ട്. ഈ ചട്ടത്തിെന്റ നിര്വഹണത്തെ കുറിച്ചാണ് ഞാന് സംസംസാരിക്കുന്നത്. ഒരു പൊലീസ് ഓഫീസര് എന്ന നിലയില് നമ്മുടെ ഭരണഘടന നിര്വചിക്കുന്ന ദേശവിരുദ്ധ പ്രവര്ത്തനങ്ങളുടെ പരിധിയില്പെടുന്ന കാര്യങ്ങള്ക്കെതിരെ ഞാന് നിലകൊള്ളും.” -അദ്ദേഹം കൂട്ടിച്ചേര്ത്തു.