രാജ്യത്തെ ആരോഗ്യരംഗത്തിന്റെ ഭാവി പെൺകുട്ടികളിൽ; രാഷ്ട്രപതി

ബംഗളൂരു: രാജ്യത്തെ ആരോഗ്യരംഗത്തെ പ്രതിഭാശാലികളായി പെൺകുട്ടികൾ മാറുന്നുവെന്നും ഭാവിഭാരതം അവരുടെ കയ്യിൽ ഭദ്രമാണെന്നും രാഷ്ട്രപതി രാംനാഥ് കോവിന്ദ്. രാജീവ് ഗാന്ധി യൂണിവേഴ്‌സിറ്റി ഓഫ് ഹെൽത്ത് സയൻസിന്റെ ബിരുദ ദാന ചടങ്ങിൽ സംസാരിക്കുകയായിരുന്നു അദ്ദേഹം.

രാജ്യത്തെ കൊറോണ മഹാമാരിക്കെതിരെ ജീവൻ പണയപ്പെടുത്തി പോരാടുന്ന ആരോഗ്യരംഗത്തെ എല്ലാ ജീവനക്കാരോടും നന്ദി പറഞ്ഞ രാഷ്ട്രപതി അവരിൽ രാജ്യം അഭിമാനം കൊള്ളുന്നുവെന്നും വ്യക്തമാക്കി. ഏതു തരം പ്രതിസന്ധിയെ തരണം ചെയ്യാനും കൊറോണ മഹാമാരി നമ്മളെ സജ്ജരാക്കിയെന്നും രാഷ്ട്രപതി രാംനാഥ് കോവിന്ദ് പറഞ്ഞു.