![“Manju”](https://santhigirinews.org/wp-content/uploads/2020/04/YOUTUBE.jpg")
തൃശൂര്‍: ഗവ. മെഡിക്കല്‍ കോളജ് ഡെര്‍മറ്റോളജി വിഭാഗം പ്രഫസറും മേധാവിയുമായ ഡോ. എന്‍. അശോകന് ത്വക്രോഗ വിദഗ്ധരുടെ അഖിലേന്ത്യാ സംഘടനയായ ഐ.എ.ഡി.വി.എല്ലിെന്‍റ (ഇന്ത്യന്‍ സോസിയേഷന്‍ ഓഫ് ഡെര്‍മറ്റോളജിസ്റ്റ്സ് വെനീറോളജിസ്റ്റ്സ് ആന്‍ഡ് ലെപ്രോളജിസ്റ്റ്സ്) ദേശീയ ഓറേഷന്‍ അവാര്‍ഡ് ലഭിച്ചു. സാമൂഹിക ഇടപെടലുകളിലൂടെ വയോജനങ്ങള്‍ക്കിടയില്‍ ത്വക്രോഗ ചികിത്സ വ്യാപകമാക്കുന്നത് സംബന്ധിച്ച പഠനങ്ങള്‍ക്കാണ് അംഗീകാരം.
തൃശൂര്‍ ജില്ലയിലെ തളിക്കുളം പഞ്ചായത്തില്‍ തളിക്കുളം വികാസ് ട്രസ്റ്റിന്റെ നേതൃത്വത്തില്‍ പ്രായമായ വ്യക്തികള്‍ക്കിടയിലാണ് ആരോഗ്യ പ്രവര്‍ത്തനങ്ങള്‍ നടത്തിയത്‌. പ്രമേഹ രോഗികളുടെ ചര്‍മ രോഗ നിയന്ത്രണം, എക്സീമ രോഗികള്‍ക്ക് രോഗ നിര്‍ണയവും ചികില്‍സയും എന്നിവയായിരുന്നു പ്രധാന പ്രവര്‍ത്തനങ്ങള്‍. അയ്യന്തോളിലെ പ്രത്യാശ ട്രസ്റ്റിന്റെ നേതൃത്വത്തില്‍ പുതൂര്‍ക്കര ഡിവിഷനിലെ പ്രായമായ വ്യക്തികള്‍ക്ക് വേണ്ടിയും എക്സീമ രോഗ നിയന്ത്രണ പ്രവര്‍ത്തനങ്ങള്‍ നടത്തി.
ഡല്‍ഹിയില്‍ ത്വക്രോഗ വിദഗ്ധരുടെ അഖിലേന്ത്യാ സമ്മേളനത്തില്‍ ഇത് സംബന്ധിച്ച പ്രബന്ധം അവതരിപ്പിച്ച ഡോ. അശോകന് അവാര്‍ഡ് ഏറ്റുവാങ്ങി
