ശ്രീജ.എസ്
ന്യൂഡല്ഹി: ജമ്മു കാഷ്മീരിന് ഉചിതമായ സമയത്ത് സംസ്ഥാന പദവി നല്കുമെന്ന് കേന്ദ്ര ആഭ്യന്തരമന്ത്രി അമിത് ഷാ. ലോക്സഭയില് ജമ്മു കാഷ്മീര് പുനഃസംഘടനാ ഭേദഗതി ബില്ലില് നടന്ന ചര്ച്ചയിലാണ് അമിത് ഷാ ഇക്കാര്യം വ്യക്തമാക്കിയത്. ഈ ബില് കൊണ്ടുവന്നാല് ജമ്മു കാഷ്മീരിന് സംസ്ഥാന പദവി ഒരിക്കലും ലഭിക്കില്ലെന്ന് ചില എംപിമാര് പറയുന്നുണ്ടെന്ന് അദ്ദേഹം പറഞ്ഞു. എന്നാല് അത്തരമൊരു ഉദ്ദേശ്യം ഈ ബില്ലില് ഇല്ല. ഉചിതമായ സമയത്ത് ജമ്മു കാഷ്മീരിന് സംസ്ഥാന പദവി നല്കുമെന്നും അമിത് ഷാ കൂട്ടിച്ചേര്ത്തു.