എംഎല്‍എമാരുടെ എണ്ണം ഒന്നില്‍ നിന്ന് 71 ആക്കണം; പ്രധാനമന്ത്രി

കൊച്ചി: കേരളത്തിൽ വലിയ പ്രതീക്ഷയുണ്ടെന്ന് പ്രധാനമന്ത്രി നരേന്ദ്ര മോദി. സീറ്റുകളുടെ എണ്ണം വർധിപ്പിക്കുന്നത് പ്രധാനമാണെന്ന് അദ്ദേഹം പറഞ്ഞു. കൊച്ചിയിൽ ചേർന്ന ബിജെപി കോർ കമ്മിറ്റി യോഗത്തിലാണ് അദ്ദേഹം ഇക്കാര്യം വ്യക്തമാക്കിയത്.

ജനപിന്തുണ ആർജ്ജിക്കാനുള്ള പൊതു നിർദ്ദേശങ്ങളാണ് പ്രധാനമന്ത്രി മുന്നോട്ട് വെച്ചതെന്നും സംഘടനാപരമായ നിർദ്ദേശങ്ങൾ അദ്ദേഹം നൽകിയെന്നും ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ കോർ കമ്മിറ്റി യോഗത്തിന് ശേഷം പറഞ്ഞു. കേരളത്തിലെ കാലിക രാഷ്ട്രീയ സാഹചര്യം പ്രധാനമന്ത്രിയെ ബോധ്യപ്പെടുത്തി. സംഘടനാപരവും രാഷ്ട്രീയവുമായ നിർദ്ദേശങ്ങൾ പ്രധാനമന്ത്രി നൽകിയെന്നും ബിജെപി ദേശീയ നിർവാഹക സമിതിയംഗം പി.കെ കൃഷ്ണദാസ് പ്രതികരിച്ചു.