പെട്രോളിനും ഡീസലിനും ഒരു രൂപ നികുതി കുറച്ച് മമത

കൊൽക്കത്ത: പെട്രോൾ-ഡീസൽ വിലവർദ്ധനയെ ചെറുക്കാൻ നീക്കവുമായി മമതാ ബാനർജി. വടക്ക് കിഴക്കൻ സംസ്ഥാനങ്ങളിൽ നികുതി കുറവ് വരുത്തിയ വടക്ക് കിഴക്കൻ സംസ്ഥാനങ്ങളുടെ ചുവട് പിടിച്ചാണ് മമതയുടെ നീക്കം. പശ്ചിമ ബംഗാൾ സംസ്ഥാനതലത്തിൽ ഈടാക്കുന്ന നികുതിയിൽ നിന്നും ഒരു രൂപയാണ് കുറച്ചിരിക്കുന്നത്.

തെരഞ്ഞെടുപ്പിൽ വലിയ രാഷ്ട്രീയ തിരച്ചടി പേടിച്ചിരിക്കുന്ന മമതാ ബാനർജിയുടെ നീക്കമാണിതെന്ന് പ്രതിപക്ഷം പറയുന്നു. ഇന്ധന വിലയിൽ സംസ്ഥാനങ്ങൾ നികുതികുറച്ച് പരിഹാരം കാണണമെന്ന കേന്ദ്ര നിർദ്ദേശം ആദ്യം എതിർത്ത മമത ബാനർജി തെരഞ്ഞെടുപ്പിലെ ശക്തമായ ജനവികാരത്തെ ഭയന്നാണ് നികുതി കുറയ്ക്കാൻ തീരുമാനം എടുത്തിരിക്കുന്നത്.