രാഹുൽ കർഷകരോട് മാപ്പുപറയണമെന്ന് പിണറായി

തിരുവനന്തപുരം: കോൺഗ്രസ് നേതാവും വയനാട് എംപിയുമായ രാഹുൽ ഗാന്ധിയെ പരിഹസിച്ചും വിമർശിച്ചും മുഖ്യമന്ത്രി പിണറായി വിജയൻ. കേരളത്തോട് കാണിക്കുന്ന താല്പര്യത്തിൽ നന്ദിയുണ്ട് എന്ന് പറഞ്ഞായിരുന്നു പിണറായി തന്റെ പരിഹാസ വാക്കുകൾ ആരംഭിച്ചത്. കോൺഗ്രസ് നടപ്പിലാക്കിയ ഭരണ പരിഷ്‌കാരങ്ങൾ ആണ് കർഷക ആത്മഹത്യകൾക്ക് കാരണം. ഈ നയങ്ങൾ മൂലം വയനാട് ജില്ലയിൽ എന്താണ് നടന്നത് എന്നെങ്കിലും രാഹുൽഗാന്ധി തിരക്കണമെന്ന് പിണറായി പറഞ്ഞു.

കോൺഗ്രസ് നിർദ്ദയം നടപ്പിലാക്കിയ കർഷക വിരുദ്ധ നയങ്ങളുടെ പേരിലാണ് കർഷകർ ദുരന്തം അനുഭവിക്കേണ്ടി വരുന്നത്. കർഷകന്റെ രക്തം കോൺഗ്രസിന്റെ കയ്യിൽ പറ്റിയിരിക്കുന്നു. രാഹുൽഗാന്ധി കർഷകരോട് മാപ്പ് പറയണം. നയങ്ങൾ തിരുത്തേണ്ടിയതായിരുന്നു. രാജ്യത്ത് പുതിയ ബദലുകൾ വേണം. അതിനുള്ള ആർജ്ജവം രാഹുലിന് ഉണ്ടോയെന്നും മുഖ്യമന്ത്രി ചോദിച്ചു.