ശ്രീജ.എസ്
ലോകത്തിലെ ഏറ്റവും ഉയരമുള്ള റെയില്വേ പാലം ജമ്മു കശ്മീരില്. റിയാസി ജില്ലയിലെ ചെനാബ് നദിക്ക് കുറുകെയുള്ള ചെനാബ് പാലത്തിന്റെ നിര്മാണം അതിവേഗത്തില് പുരോഗമിക്കുകയാണ്. ഉരുക്ക് കമാനങ്ങളുടെ നിര്മാണം അന്തിമ ഘട്ടത്തിലെത്തി. 476 മീറ്റര് നീളമുള്ള ഉരുക്ക് കമാനങ്ങളുടെ ഫോട്ടോ റെയില്വേ മന്ത്രി പീയൂഷ് ഗോയല് കഴിഞ്ഞദിവസം സമൂഹ മാധ്യമത്തില് പങ്കുവെച്ചു.
‘അടിസ്ഥാന സൗകര്യ വികസനത്തിലെ അദ്ഭുതം: ഇന്ത്യന് റെയില്വേ എന്ജിനീയറിങ് മികവില് മറ്റൊരു നാഴികക്കല്ല് തീര്ത്തിരിക്കുന്നു. ചെനാബ് പാലത്തിന്റെ ഉരുക്ക് കമാനത്തിന്റെ നിര്മാണം അവസാനത്തിലെത്തിയിരിക്കുന്നു. ലോകത്തിലെ ഏറ്റവും ഉയര്ന്ന റെയില്വേ പാലമാണിത്’ -പിയൂഷ് ഗോയല് ട്വിറ്ററില് കുറിച്ചു.
ഉദ്ദംപുര്-ശ്രീനഗര്-ബാരാമുല്ല റെയില് ലിങ്ക് പ്രോജക്ടിന് കീഴില് ഇന്ത്യന് റെയില്വേയാണ് ചെനാബ് നദിക്ക് കുറുകെ പാലം നിര്മിക്കുന്നത്. 359 മീറ്റര് ഉയരത്തിലാണ് ഈ പാലം ഉയരുക. പാലത്തെ താങ്ങിനിര്ത്താനുള്ള കമാനത്തിന്റെ ജോലി മാര്ച്ച് മാസത്തില് പൂര്ത്തിയാകും. ശേഷം പാലത്തിന്റെ നിര്മാണം തുടങ്ങും .