ശ്രീജ.എസ്
തിരുവനന്തപുരം: വി.പി. ജോയി പുതിയ ചീഫ് സെക്രട്ടറിയായി ചുമതലയേറ്റു. ചീഫ് സെക്രട്ടറി ഡോ. വിശ്വാസ് മേത്ത വിരമിച്ച ഒഴിവിലാണ് നിയമനം. 87 ബാച്ച് ഉദ്യോഗസ്ഥനാണ് എറണാകുളം സ്വദേശിയായ ജോയി. 2023 ജൂണ് 30 വരെയായിരിക്കും വി.പി. ജോയിയുടെ കാലാവധി.
സംസ്ഥാനത്തെ 47-ാമത്തെ ചീഫ് സെക്രട്ടറിയാണ് ജോയി. കേന്ദ്ര ഡെപ്യൂട്ടേഷന് കഴിഞ്ഞ് ജനുവരിയിലാണ് അദ്ദേഹം സംസ്ഥാന സര്വീസില് തിരിച്ചെത്തിയത്. ഇദ്ദേഹം കേന്ദ്ര കാബിനറ്റ് സെക്രട്ടറിയേറ്റില് ഏകോപന ചുമതലയുള്ള സെക്രട്ടറിയായി പ്രവര്ത്തിച്ചു വരികയായിരുന്നു .