ബിവറജിൽ കൈക്കൂലി നൽകി അളവിൽ കൂടുതൽ മദ്യം വാങ്ങിയ ഡ്രൈവർ പിടിയിൽ
പി.വി.എസ്
മലപ്പുറം :വണ്ടൂരിൽ ബിവറേജസ് ഔട്ട്ലറ്റ് ജീവനക്കാര്ക്ക് കൈക്കൂലി നല്കി അളവില് കൂടുതല് വിദേശമദ്യം വാങ്ങിയ ഓട്ടോ ഡ്രൈവര് എക്സൈസ് പിടിയില്. പതിനേഴര ലിറ്റര് മദ്യവും ഓട്ടോയും പിടിച്ചെടുത്തു. പോരൂര് ചേരിപറമ്പ് സ്വദേശി വട്ടക്കണ്ണിയില് സുനില്കുമാറിനെയാണ് (37) എക്സൈസ് അറസ്റ്റ് ചെയ്തത്. രഹസ്യവിവരത്തിെന്റ അടിസ്ഥാനത്തില് പൂക്കുളത്ത് വെച്ചാണ് അറസ്റ്റ് ചെയ്തത്.വണ്ടൂരിൽ ബിവറേജസ് ഔട്ട്ലറ്റില്നിന്ന് ഒരാള്ക്ക് പരമാവധി വാങ്ങാനാകുക മൂന്ന് ലിറ്റര് മദ്യമാണ്. എന്നാല്, പ്രതിയുടെ കൈയില് മതിയായ രേഖകളില്ലാത്ത അളവില് കൂടുതല് മദ്യമാണ് പിടിച്ചെടുത്തത്. തുടര്ന്ന് സുനില്കുമാറിനെ ചോദ്യം ചെയ്തപ്പോഴാണ് 2,000 രൂപ ജീവനക്കാര്ക്ക് കൈക്കൂലി നല്കിയ കാര്യം പറഞ്ഞത്. ഇക്കാര്യം കാണിച്ച് എക്സൈസ് കമീഷണര്ക്ക് റിപ്പോര്ട്ട് നല്കിയിട്ടുണ്ട്.