കല്പറ്റ: ആദിവാസി ഭൂസമര നായിക സി.കെ. ജാനു ഇത്തവണ മത്സരിക്കുമോ? അതേക്കുറിച്ച് ഒന്നും ചിന്തിച്ചിട്ടില്ലെന്നും കോവിഡ് കാലത്ത് വീട്ടിലിരുന്നപ്പോള് കുറേ യാഥാര്ഥ്യങ്ങള് തിരിച്ചറിഞ്ഞെന്നും ഇപ്പോള് ആത്മകഥ പൂര്ത്തിയാക്കുന്ന തിരക്കിലാണെന്നും ജാനു.
ഗോത്രമഹാസഭ അധ്യക്ഷയായ ജാനു 2016ല് എന്.ഡി.എ സ്ഥാനാര്ഥിയായി സുല്ത്താന് ബത്തേരിയില് മത്സരിച്ചിരുന്നു. 27,920 വോട്ടു നേടി. ബേത്തരിയില് ഇരുമുന്നണികളെയും അമ്ബരപ്പിച്ച ജാനുവിെന്റ ജനാധിപത്യ രാഷ്ട്രീയ പാര്ട്ടി ഇപ്പോള് എന്.ഡി.എയില് ഇല്ല. എന്.ഡി.എ നേതാക്കള് വാക്കുപാലിച്ചില്ല. ഗോത്രമഹാസഭ ഇത്തവണ ഒരു രാഷ്ട്രീയ നിലപാട് സ്വീകരിച്ചിട്ടില്ല. ബത്തേരിയില് നല്ല മത്സരമാണ് കാഴ്ചവെച്ചത്. അതില് സംതൃപ്തിയുണ്ട് -ജാനു പറഞ്ഞു. 2004ല് ഇടുക്കി ലോക്സഭ മണ്ഡലത്തില് നിന്ന് മത്സരിച്ചപ്പോള് കിട്ടിയത്11,628 വോട്ട് .
വയനാട് തിരുനെല്ലി പനവല്ലി മിച്ചഭൂമി കോളനിയിലാണ് താമസം. കോവിഡ് പ്രതിസന്ധിയില് വലിയ മാനസിക സംഘര്ഷങ്ങളിലൂടെയാണ് കടന്നുപോയത്.
അടിമതൊഴിലാളികളുടെ മകളായ ഞാനും കുട്ടിക്കാലത്ത് അടിമയായിരുന്നു. 50 പൈസക്ക് വയലില് പണിയെടുത്ത അനുഭവം ഉണ്ട്. എല്ലാം എഴുതുന്നുണ്ട്.
ഛത്തിന്ഗഢ് ബിലാസ്പുര് ഓര്ഫനേജില് നിന്നാണ് മോളെ കിട്ടിയത്. ഇപ്പോള് മൂന്നാം ക്ലാസില് പഠിക്കുന്നു. ഇനി മോള്ക്കു വേണ്ടി ജീവിക്കുക എന്നത് എന്റെ ഉത്തരവാദിത്തമാണ്.
വേദനയും ദുരിതവും സംഘര്ഷവും അടിമത്വവും നിറഞ്ഞ ജീവിതമാണ് ആത്മകഥയില് പറയുന്നത്. വര്ഷങ്ങളായി ഡയറിക്കുറിപ്പുകള് സൂക്ഷിച്ചിരുന്നു. എന്നാല് പൊലീസ് വീട് റെയ്ഡ് ചെയ്ത് അതെല്ലാം നശിപ്പിച്ചു.
പൊലീസ് ക്രൂരതക്കു മുന്നില്പോലും കരഞ്ഞിട്ടില്ല. എന്നാല് ലോക്ഡൗണിലെ ഒറ്റപ്പെടലില് പലപ്പോഴും കണ്ണുനിറഞ്ഞിട്ടുണ്ട്. ഓര്മകള് മായുംമുമ്പ് അതെല്ലാം കടലാസില് പകര്ത്തണം. തെരഞ്ഞെടുപ്പ് കാലത്ത് ഇനി ഓടിനടക്കാനില്ല. ജാനു നയം വ്യക്തമാക്കി.