ശ്രീജ.എസ്
കോവിഡ് വാക്സിനേഷന് പ്രവര്ത്തനങ്ങളുടെ വേഗം വര്ധിപ്പിക്കാനൊരുങ്ങി കേന്ദ്ര സര്ക്കാര്. ഇതിന്റെ ഭാഗമായി വാക്സിന് 24 മണിക്കൂറും ലഭ്യമാക്കാന് രാജ്യത്തെ ആശുപത്രികള്ക്ക് കേന്ദ്ര ആരോഗ്യ മന്ത്രാലയം അനുമതി നല്കി. ആരോഗ്യമന്ത്രി ഹര്ഷ വര്ധന് ട്വിറ്ററിലൂടെ അറിയിച്ചതാണ് ഇക്കാര്യം.
‘വാക്സിനേഷന്റെ വേഗം വര്ധിപ്പിക്കുന്നതിനായി സമയ നിയന്ത്രണങ്ങള് സര്ക്കാര് നീക്കുകയാണ്. രാജ്യത്തെ പൗരന്മാര്ക്ക് കോവിഡ് വാക്സിന് അവരവരുടെ സൗകര്യാര്ഥം 24 മണിക്കൂറും കുത്തിവെക്കാം’ – ആരോഗ്യമന്ത്രി ഹിന്ദിയില് ട്വീറ്റ് ചെയ്തു. കോവിന് ആപ്പുമായി സര്ക്കാര്, സ്വകാര്യ ആശുപത്രികളെ ബന്ധിപ്പിക്കും. ചട്ടങ്ങള് പാലിക്കാന് തയാറുള്ള സ്വകാര്യ ആശുപത്രികള്ക്ക് വാക്സിനേഷന് നടപടികളുടെ ഭാഗമാകാം. ശീതീകരണ സംവിധാനവും പാര്ശ്വഫലങ്ങള് ഉണ്ടായാല് അടിയന്തര ചികിത്സ നല്കാനുള്ള സംവിധാനങ്ങളും നിര്ബന്ധമായും വേണം- ആരോഗ്യമന്ത്രാലയം വ്യക്തമാക്കി.