ശ്രീജ.എസ്
ഹീറോ ബൈക്കുകളുടേയും സ്കൂട്ടറുകളുടേയും സര്വ്വീസ് 100 രൂപയ്ക്ക്. 10 കോടി വാഹനവില്പന എന്ന നാഴികക്കല്ലു പിന്നിട്ടതിന്റെ ആഘോഷങ്ങളുടെ ഭാഗമായിട്ടാണ് ഹീറോ തങ്ങളുടെ ഉപഭോക്താക്കള്ക്കായി ഈ ഓഫര് പ്രഖ്യാപിച്ചിട്ടുള്ളത്. മാര്ച്ച് 8 വരെ നടത്തുന്ന എല്ലാ പെയ്ഡ് സര്വ്വീസുകള്ക്കും ഈ ആനുകൂല്യം ലഭിക്കും.
ഫ്രീ സര്വ്വീസ് കാലാവധി കഴിഞ്ഞിരിക്കുന്നവരുടെ എല്ലാ പെയ്ഡ് സര്വ്വീസുകള്ക്കും മാര്ച്ച് 5 മുതല് 8 വരെ ഈ തുക നല്കിയാല് മതി. ചുരുങ്ങിയ നിരക്കിലുള്ള പെയ്ഡ് സര്വ്വീസിനു പുറമെ ഈ ദിവസങ്ങളില് എല്ലാ വാഹന ഉടമകള്ക്കും ഹീറോ ഷോറൂമുകളിലെത്തി തികച്ചും സൗജന്യമായി വാഷിങ്ങും പോളീഷിങ്ങും നൈട്രജന് ഫില്ലിങ്ങും നടത്താം. തങ്ങളുടെ ഓരോ വാഹന ഉടമയ്ക്കും എന്തെങ്കിലും ഒരാനുകൂല്യം ആഘോഷങ്ങളുടെ ഭാഗമായി ലഭ്യമാകണം എന്നതിനാലാണ് അടിസ്ഥാനപരമായ ഇത്രയും ആനുകൂല്യങ്ങള് പ്രഖ്യാപിച്ചിരിക്കുന്നതെന്ന് ഹീറോ അധികൃതര് പറഞ്ഞു.