സ്വയം മറന്ന് പാട്ടിന് ചുവടുവെച്ച് ഇന്ത്യൻ സൈനികർ; വീഡിയോ പങ്കുവെച്ച് കേന്ദ്രമന്ത്രി

ന്യൂഡൽഹി: അടുത്തിടെ ഏറെ സംഘർഷങ്ങൾക്കും ഏറ്റുമുട്ടലുകൾക്കും വേദിയായ പാംഗോങ് സോ തടാകക്കരയിൽ ഇന്ത്യൻ സൈനികർ ഇപ്പോൾ അഹ്ലാദത്തിലാണ്. പാംഗോങ് സോ തടാകത്തെ സാക്ഷിയാക്കി സൈനികർ പാട്ടിന് ചുവടുവെക്കുന്ന വീഡിയോ സമൂഹ മാദ്ധ്യമങ്ങളിൽ വൈറലായി. കേന്ദ്രമന്ത്രി കിരൺ റിജിജു ട്വിറ്ററിലൂടെയാണ് വീഡിയോ പങ്കുവെച്ചത്.

അതിർത്തി കാക്കുന്ന ജവാൻമാർക്ക് ആശംസകൾ നേർന്നും പൂർണ പിന്തുണ അറിയിച്ചും ദേശസ്‌നേഹികൾ രംഗത്തെത്തി. കുടുംബത്തിൽ നിന്നും ആയിരം കാതങ്ങൾ അകലെ അതിർത്തിയിൽ കഴിയുന്ന ജവാൻമാർക്ക് ആഹ്ലാദം ആവശ്യമാണെന്നും വരും തലമുറകൾക്ക് ഇത് പ്രചോദനമാകുമെന്നും കമന്റുകളുണ്ട്. റിജിജുപങ്കുവെച്ച വീഡിയോയ്ക്ക് ഇതുവരെ 105.2k വ്യൂസും 2000ത്തോളം റീട്വീറ്റുകളും 13,500ലധികം ലൈക്കുകളും ലഭിച്ചിട്ടുണ്ട്.

It feels great whenever soldiers enjoy! Brave Indian Army Gorkha Jawans and colleagues with full music at Pangong Tso in Ladakh. pic.twitter.com/d56Qjl3RhN

— Kiren Rijiju (@KirenRijiju) March 25, 2021