ഡല്ഹി: കൊറോണ വൈറസിനെ നശിപ്പിക്കുന്ന മാസ്കുമായി പന്ത്രണ്ടാം ക്ലാസ്സ് വിദ്യാര്ത്ഥിനി. ബംഗാളിലെ പൂര്ബ ബാര്ധമാന് ജില്ലയിലെ പന്ത്രണ്ടാം ക്ലാസ് വിദ്യാര്ത്ഥിനി ദിഗന്തിക ബോസാണ് കണ്ടുപിടിത്തത്തിന് പിന്നില്. മാസ്ക് മുംബൈയിലെ ഗൂഗിളിന്റെ മ്യൂസിയം ഓഫ് ഡിസൈന് എക്സലന്സില് പ്രദര്ശിപ്പിക്കും.
മാസ്കിന് മൂന്ന് അറകളാണുള്ളത്. വായുവിലെ പൊടിപടലങ്ങള് ഫില്ട്ടര് ചെയ്യുന്ന നെഗറ്റീവ് അയോണ് ജനറേറ്റര് ഇതില് ഉണ്ട്. ഫില്ട്ടര് ചെയ്ത വായു രണ്ടാമത്തെ അറയിലൂടെ പ്രവേശിക്കുന്നു. ഇതുവഴി പ്രവേശിക്കുന്ന വായു മൂന്നാമത്തെ അറയില് എത്തുന്നു. സോപ്പും വെള്ളവും ചേര്ന്ന ഒരു രാസ അറയാണ് മൂന്നാമത്തേത്. ഇത് വൈറസിനെ നശിപ്പിക്കുന്നു.
സോപ്പ് വെള്ളം വൈറസിനെ കൊല്ലുന്നുവെന്ന് ഞങ്ങള്ക്കറിയാം, അതിനാല് വായു മൂന്നാം അറയില് എത്തുമ്പോള് വൈറസ് നശിക്കപ്പെടുന്നു. അതുപോലെ, ഒരു കോവിഡ് ബാധിച്ച വ്യക്തി മാസ്ക് ഉപയോഗിക്കുകയാണെങ്കില്, അയാള് ശ്വസിക്കുന്ന വായു സമാനമായ ഒരു പ്രക്രിയയിലൂടെ കടന്നുപോകുകയും വൈറസിന്റെ വ്യാപനം തടയുകയും ചെയ്യും.’- ദിഗന്തിക പറഞ്ഞു.
മാസ്കിന്റെ ട്രയലിനായി താന് സംസ്ഥാന ആരോഗ്യ വകുപ്പിനെ സമീപിച്ചിട്ടുണ്ടെന്ന് ദിഗന്തിക പറഞ്ഞു. കോവിഡ് ഒന്നാംതരംഗവേളയിലാണ് തന്റെ കൈവശമുള്ള സാധനങ്ങള് ഉപയോഗിച്ച് മാസ്ക് നിര്മിച്ചതെന്ന് ദിഗന്തിക പറഞ്ഞു. അത്തരം കാര്യങ്ങളില് തനിക്ക് എല്ലായ്പ്പോഴും താല്പ്പര്യമുണ്ടെന്നും പന്ത്രണ്ടാം ക്ലാസുകാരി പറയുന്നു.
എപിജെ അബ്ദുള് കലാം ഇഗ്നൈറ്റ് അവാര്ഡ് മൂന്ന് തവണ ദിഗന്തികക്ക് ലഭിച്ചിട്ടുണ്ട്. ചെവികളില് ബുദ്ധിമുട്ട് സൃഷ്ടിക്കാത്ത ഒരു സുഖപ്രദമായ മാസ്ക് തയാറാക്കിയതിനാണ് മൂന്നാം തവണയാണ് അവാര്ഡ് ലഭിച്ചത്.