![“Manju”](https://santhigirinews.org/wp-content/uploads/2020/04/YOUTUBE.jpg")
റാഞ്ചി: മേലുദ്യോഗസ്ഥര്‍ അവധി നിഷേധിച്ചതിനെ തുടര്‍ന്ന് ബാങ്ക് ഉദ്യോഗസ്ഥനായ അരവിന്ദ് കുമാര്‍ ജോലിക്കെത്തിയത് ഓക്സിജന്‍ പിന്തുണയോടെയാണ്.കോവിഡ് മുക്തനായെങ്കിലും ശ്വാസകോശത്തിന് വൈറസ് ബാധയേറ്റതിനാല്‍ ഓക്സിജന്റെ സഹായത്തോടെയായിരുന്നു അരവിന്ദ് കുമാര്‍ വീട്ടില്‍ ചികിത്സയില്‍ കഴിഞ്ഞിരുന്നത്.
എന്നാല്‍ മേലുദ്യോഗസ്ഥര്‍ ജോലിയില്‍ പ്രവേശിക്കാന്‍ സമ്മര്‍ദ്ദം ചെലുത്തിയതായി കുടുംബം ആരോപിച്ചു. ബൊകാറോയിലെ പഞ്ചാബ് നാഷനല്‍ ബാങ്കിന്റെ സെക്ടര്‍ നാല് ബ്രാഞ്ചിലെ ഉദ്യോഗസ്ഥരുടെ ഭാഗത്ത് നിന്നാണ് മനുഷ്യത്വമില്ലാത്ത നടപടിയുണ്ടായത്.
‘അവധി അപേക്ഷ അവര്‍ തള്ളിയതോടെ അദ്ദേഹം രാജി നല്‍കി. എന്നാല്‍ അതും അവര്‍ സ്വീകരിക്കാന്‍ തയാറായില്ല. വേതനം വെട്ടിച്ചുരുക്കമെന്ന അവരുടെ ഭീഷണിയില്‍ വഴങ്ങിയാണ് അദ്ദേഹം ഓക്സിജനുമായി ഓഫീസിലേക്ക് പോയത്’-അരവിന്ദ് കുമാറിനൊപ്പം ബാങ്കിലെത്തിയ ബന്ധുക്കളില്‍ ഒരാള്‍ പറഞ്ഞു. വേറെ ഒരു വഴിയും ഇല്ലാത്തതിനാലാണ് അദ്ദേഹം വീണ്ടും ജോലിയില്‍ പ്രവേശിച്ചതെന്ന് അദ്ദേഹം പറഞ്ഞു.
