കോട്ടയം കോവിഡ് മുക്തമാകുന്നു

അജി കെ ജോസ്

9 ദിവസങ്ങൾക്ക് ശേഷം കോട്ടയം വീണ്ടും കോവിഡ് മുക്തമാകുന്നു. മെഡിക്കൽ കോളജിൽ ചികിത്സയിൽ കഴിഞ്ഞ 17 പേരാണ് 2 ദിവസങ്ങളായി രോഗമുക്തി നേടിയത്. ഇവിടെ ഇന്നലെ കോവിഡ് ബാധിതർ രോഗമുക്തരായി ആശുപത്രി വിട്ടു. ജില്ലയിലെ 5 പേരും ഇടുക്കിയിലെ യുവാവുമാണ് രോഗമുക്തരായത് ചാന്നാനിക്കാട് വിദ്യാർത്ഥിനി, വടയാറ്റിലെ വ്യാപാരി പുന്നത്തറയിലെ നേഴ്സ്. ഓസ്ട്രേലിയയില്‍ നിന്നു മടങ്ങവേ കമ്പം മേട്ടില്‍ വച്ച് ക്വാറന്റൈനിലായ വീട്ടമ്മ, റെയിൽവേ ജീവനക്കാരൻ എന്നിവരാണ് ചികിത്സയിൽ കഴിഞ്ഞത്. ഇന്നലെ ഉച്ചയോടെ ഇവരെ വീടുകളിൽ എത്തിച്ചു.