ന്യൂഡല്ഹി: തുടര്ച്ചയായ ഇന്ധനവില വര്ധനയില് ഒരു ദിവസത്തെ ഇടവേള .രാജ്യത്ത് പെട്രോള്, ഡീസല് വില ചൊവ്വാഴ്ച വര്ധിച്ചില്ല. രണ്ടു ദിവസത്തെ തുടര്ച്ചയായ കുതിപ്പില് ഇന്ധനവില റെക്കോര്ഡ് നിരക്കില് എത്തിയിരുന്നു.
ഡല്ഹിയില് പെട്രോള് ലിറ്ററിന് 95.31 രൂപയും മുംബൈയില് 101.52 രൂപയുമായിരുന്നു. ആറുസംസ്ഥാനങ്ങളിലാണ് പെട്രോള് വില 100 കടന്നത്. രാജസ്ഥാന്, മഹാരാഷ്ട്ര, ആന്ധ്രപ്രദേശ്, മധ്യപ്രദേശ്, തെലങ്കാന, ലഡാക്ക് എന്നിവിടങ്ങളിലാണ് പെട്രോള് വില സെഞ്ച്വറിയടിച്ചത്. അതേസമയം പ്രീമിയം പെട്രോളിന് കേരളത്തിലടക്കം 100 രൂപ പിന്നിട്ടിരുന്നു .
രാജസ്ഥാനിലെ ശ്രീ ഗംഗാനഗര് ജില്ലയിലാണ് രാജ്യത്തെ ഏറ്റവും ഉയര്ന്ന പെട്രോള് വില രേഖപ്പെടുത്തിയത് . 106.39 രൂപയാണ് ഇവിടെ പെട്രോള് ലിറ്ററിന്. ഡീസല് വില ലിറ്ററിന് 99.24 യിലേക്കെത്തുകയും ചെയ്തു.
ആഗോള തലത്തില് അസംസ്കൃത എണ്ണവിലയിലുണ്ടായ കുതിപ്പാണ് രാജ്യത്ത് എണ്ണവില വര്ധിക്കാന് കാരണമെന്നായിരുന്നു കേന്ദ്ര പെട്രോളിയം ആന്ഡ് നാച്ചുറല് ഗ്യാസ് മന്ത്രി ധര്മേന്ദ്ര പ്രധാന്റെ വെളിപ്പെടുത്തല് .