![“Manju”](https://santhigirinews.org/wp-content/uploads/2020/04/YOUTUBE.jpg")
ഹാനോയ്: മകന്റെ ആഗ്രഹ സാഫല്യത്തിനായി വിയറ്റ്നാമിലെ പിതാവ് നിര്‍മിച്ചത് ഒരു ലംബോര്‍ഗിനി. ഇലക്ട്രിക് ലംബോര്‍ഗിനിയുടെ കുഞ്ഞുപതിപ്പാണ് മകന് ട്രൂങ് വാന്‍ ഡാഒ തയ്യാറാക്കിയത് . അതും പൂര്‍ണമായും മരത്തിലാണ് തീര്‍ത്തത്. മരപ്പണിക്കാരനായത് കൊണ്ട് അനായാസമായി മരത്തില്‍ വാഹനം നിര്‍മിക്കാന്‍ ട്രൂങ്ങിന് കഴിഞ്ഞു.
ഓക്ക് മരത്തിന്റെ തടികൊണ്ടാണ് ലംബോര്‍ഗിനി നിര്‍മ്മിച്ചത് . കളര്‍ഫുള്‍ സ്പീഡോ മീറ്റര്‍ സ്ക്രീന്‍ ഡിസ്പ്ലേയും എല്‍.ഇ.ഡി ലൈറ്റുകളും വാതിലുകളും ഇലക്ട്രിക് ലംബോര്‍ഗിനിയുടെ മാതൃകയിലാണ് നിര്‍മാണം. 65 ദിവസമെടുത്താണ് ട്രൂങ് കാര്‍ നിര്‍മിച്ചത്.
തുടര്‍ന്ന് തന്റെ കരവിരുത് മകന് സമ്മാനമായി നല്‍കുകയും ചെയ്തു. ജൂണ്‍ രണ്ടിന് ട്രൂങ് തന്റെ ഫേസ്ബുക്ക് പേജില്‍ വാഹനത്തിന്റെ ചിത്രങ്ങള്‍ പങ്കുവെച്ചിരുന്നു. ഇതോടെ ട്രൂങ്ങിനെയും മകനെയും വാഹനത്തെയും സോഷ്യല്‍ മീഡിയ ഏറ്റെടുത്തു.
