![“Manju”](https://santhigirinews.org/wp-content/uploads/2020/04/YOUTUBE.jpg")
ലഖ്‌നൗ: സംസ്ഥാനത്ത് കോവിഡ് നിയന്ത്രണങ്ങള്‍ പിന്‍വലിച്ച്‌ ഉത്തര്‍പ്രദേശ് സര്‍ക്കാര്‍. കോവിഡ് രോഗബാധിതരുടെ എണ്ണം 600 ല്‍ താഴെയുള്ള ജില്ലകള്‍ക്ക് ഇളവ് നല്‍കാന്‍ നേരത്തെ യുപി തീരുമാനിച്ചിരുന്നു. കഴിഞ്ഞ ദിവസം മുഴുവന്‍ ജില്ലകളിലും കോവിഡ് ബാധിതരുടെ എണ്ണം 600 ല്‍ താഴെയെത്തിയിരുന്നു. ഇതിന് പിന്നാലെയാണ് ലോക്ഡൗണില്‍ ഇളവ് പ്രഖ്യാപിച്ചത്.
ബുധനാഴ്ച മുതലാണ് പുതിയ തീരുമാനം പ്രാബല്യത്തില്‍ വരിക. രാവിലെ ഏഴ് മുതല്‍ വൈകുന്നേരം ഏഴ് വരെയാണ് ഇളവ് പ്രഖ്യാപിച്ചിരിക്കുന്നത്.രാത്രി കര്‍ഫ്യുവും വാരാന്ത്യകര്‍ഫ്യൂവും പതിവ് പോലെ തുടരും. സംസ്ഥാനത്ത് കഴിഞ്ഞ 24 മണിക്കൂറിനുള്ളില്‍ കോവിഡ് പോസിറ്റീവിറ്റ് നിരക്ക് 0.3 ശതമാനം ആണ്. തുടര്‍ച്ചയായി രണ്ടാഴ്ചയിലേറെയായി ഒരു ശതമാനത്തില്‍ താഴെയാണ് ടി.പി.ആര്‍.
നിലവില്‍ സംസ്ഥാനത്തെ കോവിഡ് ബാധിതരുടെ എണ്ണം 14,000 ല്‍ താഴെയാണ്.തിങ്കളാഴ്ച സംസ്ഥാനത്ത് 727 പേര്‍ക്കാണ് പുതുതായി കോവിഡ് പോസിറ്റിവ് സ്ഥിരീകരിച്ചത്. കോവിഡ് വ്യാപനത്തിന്റെ രണ്ടാം തരംഗത്തില്‍ പ്രതിദിന കോവിഡ് രോഗികളുടെ എണ്ണം 38,055 വരെ ഉയര്‍ന്നിരുന്നു.
