തിരുവനന്തപുരം: കേരളതീരത്ത് ഉയര്ന്ന തിരമാലകള്ക്കും കലടാക്രമണത്തിനും സാധ്യതയുണ്ടെന്നും ജാഗ്രത പാലിക്കണമെന്നും കേരള ദുരന്ത നിവാരണ അതോറിറ്റി മുന്നറിയിപ്പ് നല്കി.നാളെ രാത്രി വരെ കേരള തീരത്ത് 2.6 മുതല് 3.6 മീറ്റര് വരെ ഉയരത്തില് തിരമാലക്കും കടലാക്രമണത്തിനും സാധ്യതയുണ്ടെന്നാണ് ദേശീയ സമുദ്ര സ്ഥിതി പഠന ഗവേഷണ കേന്ദ്രത്തിന്റെ മുന്നറിയിപ്പ്.ഇതിന്റെ അടിസ്ഥാനത്തിലാണ് ദുരന്തനിവാരണ അതോറ്റിറ്റി മുന്നറിയിപ്പ് നല്കിയിരിക്കുന്നത്. 2021 ജൂണ് 15 മുതല് 18 വരെ കേരള തീരത്ത് നിന്നും മത്സ്യത്തൊഴിലാളികള് കടലില് പോകാന് പാടുള്ളതല്ല. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം. മല്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കാന് പൊതുജനങ്ങളും ശ്രദ്ധിക്കണമെന്നും ജാഗ്രതാ നിര്ദേശത്തില് പറയുന്നു.
Related Articles
ചെക്ക് ഇന് ബാഗേജ് ഇല്ലാത്തവര്ക്ക് എക്സ്പ്രസ് ലൈറ്റ് നിരക്കുകളുമായി എയര്ഇന്ത്യ എക്സ്പ്രസ്.
February 26, 2024 10:30 AM
Check Also
Close
-
തിരുവനന്തപുരം അന്താരാഷ്ട്ര വിമാനത്താവളത്തില് വന് കറന്സി കടത്ത്December 15, 2021 3:22 PM