IndiaInternationalLatest
സജന് പ്രകാശ് ; ഒളിമ്പിക്സിന് നേരിട്ട് യോഗ്യത നേടുന്ന ആദ്യ ഇന്ത്യന് നീന്തല് താരം
റോം: മലയാളി നീന്തൽ താരം സജൻ പ്രകാശിന് ഒളിമ്പിക്സ് യോഗ്യത. 200 മീറ്റർ ബട്ടർഫ്ലൈ ഇനത്തിലാവും ടോക്കിയോ ഒളിമ്പിക്സിൽ സജൻ മത്സരിക്കുക. ഒളിമ്പിക്സിന് നേരിട്ട് യോഗ്യത നേടുന്ന ആദ്യ ഇന്ത്യൻ നീന്തൽ താരമാണ് 27കാരനായ സജൻ.
റോമില് നടന്ന യോഗ്യതാ ചാമ്പ്യന്ഷിപ്പില് ഒന്നാമതെത്തിയാണ് ചരിത്രനേട്ടം സ്വന്തമാക്കിയത്. ഒളിമ്പിക്സിന് നേരിട്ട് യോഗ്യത നേടുന്ന താരങ്ങള് ഉള്പ്പെടുന്ന എ വിഭാഗത്തിലാണ് സജന് എത്തിയിരിക്കുന്നത്. 1:56:38 സെക്കൻഡിലാണ് സജൻ ഒന്നാമതായി ഫിനിഷ് ചെയ്തത്. 1:56.48 സെക്കൻഡായിരുന്നു ഒളിമ്പിക്സിന് നേരിട്ട് യോഗ്യത ഉറപ്പാക്കാൻ വേണ്ടിയിരുന്നത്.
മുന്പ് ബെല്ഗ്രേഡ് ചാമ്പ്യന്ഷിപ്പില് സജന് സ്വര്ണം നേടിയിരുന്നെങ്കിലും എ വിഭാഗത്തില് ഉള്പ്പെടാന് സാധിച്ചിരുന്നില്ല. അന്ന് 0.48 സെക്കന്ഡ് വ്യത്യാസത്തിലാണ് സജന് ഒളിമ്പിക്സ് യോഗ്യത നഷ്ടമായത്.