![“Manju”](https://santhigirinews.org/wp-content/uploads/2020/04/YOUTUBE.jpg")
ദില്ലി : കോവിഡ് ദുരിതാശ്വാസ പ്രവര്‍ത്തനങ്ങള്‍ക്കായി കേന്ദ്രസര്‍ക്കാര്‍ പി.എം കെയ്‌ഴ്‌സ് ഫണ്ടിലേക്ക് 62 കോടിയിലധികം രൂപ സംഭാവന നല്‍കി. ബാങ്കിന്റെ അറുപത്തിയാറാം സ്ഥാപക ദിനത്തോട് അനുബന്ധിച്ചാണ് സഹായധനം നല്‍കിയത്. ബാങ്കിന്റെ രണ്ടര ലക്ഷത്തോളം വരുന്ന ജീവനക്കാര്‍ 62.62 കോടി രൂപയാണ് സമാഹരിച്ചത്. കഴിഞ്ഞ വര്‍ഷവും എസ്.ബി.ഐ ജീവനക്കാര്‍ പി.എം കെയ്‌ഴ്‌സ് ഫണ്ടിലേക്ക് സംഭാവന നല്‍കിയിരുന്നു. കോവിഡ് രൂക്ഷമായ കാലത്തും എസ്.ബി.ഐയുടെ ജീവനക്കാര്‍ ഉപഭേക്താക്കള്‍ക്കായി മികച്ച സേവനപ്രവര്‍ത്തനങ്ങളാണ് നടത്തിയത് എന്നതില്‍ അഭിമാനമുണ്ടെന്ന് ബാങ്കിന്റെ മാനേജിംഗ്
ഡയറക്ടര്‍ ദിനേശ്ഖാര മാധ്യമങ്ങളോട് പറഞ്ഞു. രാജ്യത്തിന് ഏറ്റവും ആവശ്യമുള്ള സമയത്താണ് ജീവനക്കാര്‍ ഇത്തരമൊരു സംഭാവന നല്‍കുന്നതെന്നും അദ്ദേഹം ചൂണ്ടിക്കാട്ടി. കോവിഡ് മഹാമാരിയെ നേരിടുന്നതിന് ഉത്തരവാദിത്തമുള്ള ഒരു സ്ഥാപനം എന്ന നിലയില്‍ കേന്ദ്രസര്‍ക്കാരിന്റെ എല്ലാ പ്രവര്‍ത്തനങ്ങള്‍ക്കും എസ്.ബി.ഐ പൂര്‍ണ പിന്തുണ നല്‍കുമെന്നും ദിനേശ് ഖാര വ്യക്തമാക്കി.
